,,ქართულმა მხარემ არათუ არ გააფრთხილა, არამედ მისი მონაცემები რუსეთის მხარეს გადასცა“

,,ქართულმა მხარემ არათუ არ გააფრთხილა, არამედ მისი მონაცემები რუსეთის მხარეს გადასცა“ - დავით საყვარელიძე

პოლიტიკა - 18:25, 23 Jan, 2017

4829

ვიცე პოლკოვნიკ გიორგი ცერცვაძის დაკავების საკითხზე უკრაინის გენერალური პროკურორის ყოფილი მდივანი, დავით საყვარელიძე კომენტარს აკეთებს. საყვარელიძემ „კურიერთან“ სატელეფონო საუბრისას აღნიშნა, რომ ქართულმა მხარემ არა თუ არ გააფრთხილა საზღვრის გადაკვეთისას ცერცვაძე, რომ ის ინტერპოლით ძებნილი იყო, არამედ რუსეთის ფედერაციას მისი პირადი მონაცემებიც მიაწოდა:

„სამწუხაროდ ეს ადამიანები, როდესაც კვეთენ საზღვარს, ისინი საქართველოს საზღვრის ბაზაშიც ჩანან, როგორც ინტერპოლით ძებნილები, მაგრამ ასეთ ადამიანებს საქართველოში არ აფრთხილებენ, არა თუ არ აფრთხილებენ, არამედ მათზე აძლევენ ინფორმაციას რუსეთს. ხომ შეეძლოთ გაეჩერებინათ და ეთქვათ, რომ ბატონო გია, თქვენ იმყოფებით ინტერპოლით ძებნაში. ვინც მათ უნდათ, ვინც მათ ემსახურება დღეს, ვინც ქართული ოცნების სამსახურში დგას - ბიძინა ივანიშვილის და რუსების სამსახურში, ფაქტობრივად ერთი და იგივეა, მათზე არ არის პრობლემა, მათზე არავინ არ აძლევს ინფორმაციას. აფრთხილებენ, რომ უმჯობესია არ დატოვო საქართველოს საზღვარი, ვინაიდან თქვენ იმყოფებით ინტერპოლით ძებნაზე და შეიძლება შეგექმნათ სამართლებრივი პრობლემები. მათ ეს არ უთხრეს. ადამიანმა არ იცოდა, რომ ასეთ საქმეს მას ჩამოკიდებდნენ. არ მგონია, რომ უკრაინაში მაინც მოხდეს მისი გადაცემა. ჩვენი მიზანი არის, დღეს, ეს ადამიანი დავიცვათ წინასწარი პატიმრობისგან, სადაც უსამართლო, გაუგებარი მიზეზის გამო აღმოჩნდა“, - განაცხადა დავით საყვარელიძემ.