საკონსტიტუციო სასამართლოს მოსამართლის თანამდებობაზე მანან კობახიძე იქნა წარდგენილი, აღნიშნულის შესახებ კომენტარი ტავად კობახიძემ ცოტა ხნის წინ გააკეთა. მისი განცხადებით, იგი მიუკერძოებელი მოსამართლე იქნება და აღნიშნავს, რომ გადაწყვეტილებები გამოვა მხოლოდ საქმეში არსებული გარემოებების შესწავლის შედეგად.

„4 წლიანი გამოცდილება და ცოტა მეტიც, როგორც კანონმდებლის, მხოლოდ და მხოლოდ დამეხმარება იმაში, რომ ობიექტურად და ყოველმხრივ შევაფასო ესა თუ ის კანონი. შეიძლება კანონზე იყოს ჩემი ხელმოწერა, შეიძლება იყოს ჩემი ინიცირებულიც, მაგრამ ეს არ ნიშნავს იმას, რომ მე კონკრეტულ საქმეში ვიქნები მიკერძოებული, ამ შემთხვევაში რომელიმე მხარის მიმართ. თუ მოსარჩელე დამარწმუნებს იმაში და იქნება შესაბამისი მტკიცებულება, რომ ის კანონი, რომელსაც შეიძლება თავის დროზე მე მხარი დავუჭირე, არღვევს კონსტიტუციის ამა თუ იმ მუხლს და არის არაკონსტიტუციური, რა თქმა უნდა, პირველ რიგში მე მოვაწერ ასეთი კანონის არაკონსტიტუციურობას ხელს,“ - განაცხადა მანანა კობახიძემ.