ბოლო დროის ერთ-ერთ ყველზე სკანდალურ საქმეზე პოლიტიკური შეფასებები კეთდება. აღნიშნულ საქმეზე სპეციალური ბრიფინგი გაიმართა ნაციონალურ მოძრაობაში. აკო მინაშვილი გია ცერცვაძის საქმეს სახელმწიფოს ღალატის მაგალითად ასახელებს და მისი პერსონალური მონაცემების გადაცემას რუსეთის სპეცსამსახურებისათვის დაუშვებელს უწოდებს.

ბრიფინგს პარტიის ოფისში ესწრებოდა უკრაინის ეროვნული პოლიციის ყოფილი უფროსი ხატია დეკანოიძეც, რომელმაც ვრცლად განმარტა შინაგან საქმეთა სამინისტროს წერილობითი არგუმენტაცია, სადაც უწყება მონაცემების გადაცემის საკითხს ინტერპოლთან თანამშრომლობით ხსნის.

ნაციონალური მოძრაობა მოითხოვს პროკურატურამ გამოძიება დაიწყოს. ოპოზიცია მიმართავს უკრაინის საელჩოს საქართველოში, რომ არ დაუშვას გია ცერცვაძის ექსტრადიცია.

„ივანიშვილის მართული სამთავრობო უწყებები შეგნებულად ხელს უწყობენ და პირდაპირ ეხმარებიან ოკუპანტ სახელმწიფოს, გაუსწორდეს და დასაჯოს საქართველოს თავისუფლებისა და ტერიტორიული მთლიანობისათვის მებრძოლი პატრიოტი ადამიანები.

ეს არის ხელისუფლება, რომელმაც ხლისუფლებაში მოსვლიდან რამდენიმე თვეში გაათავისუფლა რუსი ჯაშუშები შკრილნიკოვი, გევორქიანი, ჩახალიანი და ამავე დროს დაატყვევა თქვენი და ჩვენი შვილების უსაფრთხოებისათვის მებრძოლი რომა შამათავა (ბრალს უყენებენ ბაღაფშის ინტერვიუს საფუძველზე რუსულ გამოცემასთან); შეიარაღებული ძალების მთავარი სერჟანტი ალეკო გორგაძე, რომელმაც დაატყვევა რუსი ელიტარული სადაზვევრვო სამხედრო დაჯგუფების ოფიცერი, ზურა შამათავა კი დაიჭრა აგვისტოს ომში, გენერალ გიგი კალანდაძეზე რუსეთის მხრიდან ძებნის გამოცხადების შემდეგ, როცა უკრაინამ უარი თქვა ექსტრადირებაზე, საქართველოს ხელისუფლებამ ახალი ბრალი გამოიგონა.

ეს არის რუსეთის ხელიფულების შურისძიება ქართულ სახელმწიფოზე და საქართველოს ერთგულ, მამაც და თავდადებულ ჯარისკაცებზე. შურისძიება, რომელიც ივანიშვილის მოღალატე ხელისუფლების ხელით და აქტიური მონაწილეობით ხორცილდება.

ოლიგარქს ავიწყდება თავისუფლებისათვის, ქვეყნისა და მოქალაქეებისადმი ბრძოლა უწყვეტი, მარადიული და ფასდაუდებელია, ხოლო ღალატს მაღალი და მძიმე ფასი აქვს, რომლის გადახდა აუცილებლად მოუწევთ ქართველი ხალხის წინაშე“ - აღნიშნა აკო მინაშვილმა.