ბიძინა ივანიშვილის ნათესავი უცხოეთის კლინიკაში უსახსრობის გამო გარდაიცვალა

სოც.მედია - 17:05, 22 Jan, 2017

55398

„ჯერ კიდევ რამდენიმე საათის წინ, მასზე აწმყოში ვლაპარაკობდი და მომავლისა მჯეროდა... მინდა ყველას გითხრათ, რომ თქვენ გყავთ მსოფლიოში ყველაზე ღატაკი მილიარდერი“, - წერს სოციალურ ქსელში საფრანგეთში მცხოვრები სულა სულაშვილი. ის ბოლო ერთი თვის განმავლობაში გამუდმებით აქვეყნებდა პოსტებს ფეისბუქის პირად გვერდზე და ბიძინა ივანიშვილს მისივე ნათესავის 26 წლის გოგონას გადარჩენას სთხოვდა.

„აი ახლა, ამ წუთას, შენი თანასოფლელი, შენი ბიძაშვილის შვილი, 26 წლის ახალგაზრდა გოგო, ნინო ივანიშვილი ხელოვნურ სუნთქვაზე გადაიყვანეს!

ზუსტად აღარც მახსოვს რამდენჯერ გამოგიწვიე საჯაროდ მის გადასარჩენად თანადაფინანსებაში. მისი ოჯახის წევრები თქვენს ძმას მუხლებში ჩაუვარდნენ ვედრებით და ბოლომდე მჯეროდა, რომ შენ აუცილებლად დაეხმარებოდი“ - ამ სახის პოსტებს უამრავს ნახავთ სულას ფბ.გვერდზე. ბოლო პოსტი კი ამ სახის გახლავთ.

სულა სულაშვილი: „თქვენ გყავთ მსოფლიოში ყველაზე ღატაკი მილიარდერი, რომელმაც საკუთარი სისხლით ნათესავის, 26 წლის ნინო ივანიშვლის გადასარჩენად, უამრავი საჯარო მიმართვის, თხოვნისა და მუდარის მიუხედავად , ერთი თეთრიც ვერ გაიმეტა.
ნინო დღეს ცოცხალი აღარაა. მან რამდენიმე საათის წინ დატოვა ქვად ქცეული სამყარო, რომელსაც ცრემლიც კი ვერ გამოადინა.
ბიძინა, ნინო ღმერთთან წავიდა და ყველაფერს მოუყვება.
ნათელში იყოს შენი სული ნინო.“