„არავინ არ მახსოვხართ გულდაწყვეტილი, როდესაც გულზე აკრული პატარა ქალიშვილით საქართველოს ვტოვებდი“

სოც.მედია - 17:37, 21 Jan, 2017

19793

„გეყოფათ ეს გულისამრევი შეგონებები. მითუმეტეს მათ, ვისაც იმის მესამედის გაკეთებაც არ შეგიძლიათ საკუთარ მიწაზე, რასაც სხვა უცხო მიწიდან აკეთებს საკუთარი ხალხისთვის და ქვეყნისთვის.“ - წერს უცხოეთში მყოფი სულა სულაშვილი და სოციალურ ქსელში შემდეგ პოსტს აქვეყნებს.

სულა სულაშვილი: „სადაც არ უნდა ვიყო, დედამიწის ნებისმიერ კონტინეტზე, ნებისმიერ ქვეყანაში; რა სოციალური სტატუსიც არ უნდა გამაჩნდეს, დირექტორი, საზოგადო მოღვაწე, თუ ბომჟი, მე ვარ ჯვარდაწერილი ჩემს სამშობლოზე, რომელსაც არასოდეს გავყრივარ და არც გავეყრები.
როდესაც ნიშნის მოგებით, სამშობლოდან გაქცეულს მიწოდებთ,(და ზოგჯერ ღალატადაც მითვლით) მინდა გითხრათ, რომ გაქცეულსა და გაძევებულს შორის დიდი განსხვავებაა... და თუ რატომაც არ ვბრუნდები საქართველოში, ამასაც აქვს მნიშვნელოვანი მიზეზი, რაზეც საუბარი დაწვრილებით, ნამდვილად მეუხერხულება...
ზოგადად კი გეტყვით: ჩემი აქ ყოფნით, უამრავი ჩემი თანამემამულე გადარჩა. გადარჩნენ პირველ რიგში სასიკვდილოდ განწირული ბავშვები, რომლებსაც ჩაუტარდათ ურთულესი ოპერაციები და შესაბამისი მკურნალობა . უამრავ ქართველ სტუდენტს მიეცა საშუალება, ევროპის წამყვან უნივერსიტეტებში უფასოდ გაეგრძელებინა სწავლა ცოდნის ასამაღლებლად.
ბევრ ხელოვანს მიეცა შანსი საკუთარი შემოქმედება გაეტანა საზღვრებს გარეთ და ვთვლი, გავაკეთე და ვაკეთებ იმაზე მეტს, რასაც საქართველოში ყოფნის შემთხვევაში შევძლებდი.
და სწორედ, როდესაც მეტის გაკეთება მოვისურვე ჩემს ქვეყანაში, მაშინ გამომაძევეთ.
არავინ არ მახსოვხართ გულდაწყვეტილი, როდესაც გულზე აკრული პატარა ქალიშვილით საქართველოს ვტოვებდი. არც არავის შეგიწევიათ სიტყვა მართალი ჩემს დასაცავად. თქვენ, მე საქართველოშივე მაქციეთ გარიყულად, მაგრამ მე უცხო მიწიდანაც არ მიმიტოვებიხართ.
ჰოდა გეყოფათ ეს გულისამრევი შეგონებები. მითუმეტეს მათ, ვისაც იმის მესამედის გაკეთებაც არ შეგიძლიათ საკუთარ მიწაზე, რასაც სხვა უცხო მიწიდან აკეთებს საკუთარი ხალხისთვის და ქვეყნისთვის.“