სპორტის სასახლეში ამ წუთებში „ერთიანი ნაციონალური მოძრაობის“ ყრილობა მიმდინარეობს. რომლის ფარგლებში დაამტკიცეს რეზოლუცია.

რეზოლუციის თანახმად, პარტიის თავმჯდომარის ადგილი ვაკანტური რჩება მანამდე, სანამ არ დასრულდება მიხეილ სააკაშვილის პოლიტიკური დევნა:

„ვინაიდან საქართველოს მესამე პრეზიდენტი, მიხეილ სააკაშვილი არის „ერთიანი ნაციონალური მოძრაობის“ დამაარსებელი და ლიდერი, რომელმაც ქართველ ხალხთან ერთად საფუძველი ცაუყარა ახალ ქართულ სახელმწიფოს.

ვინაიდან მიხეილ სააკაშვილი არის ივანიშვილის რეჟიმის პოლიტიკური დევნილი, მას პოლიტიკური მოტივაციით ჩამოერთვა საქართველოს მოქალაქეობა და თავად არასოდეს უთქვამს უარი „ერთიანი ნაციონალური მოძრაობის“ თავმჯდომარეობაზე.

ჩვენ, ერთიანი ნაციონალური მოძრაობის წევრები ვადგენთ, არ მოხდეს „ერთიანი ნაციონალური მოძრაობის“ თავმჯდომარის არჩევა, მანამ, სანამ მიხეილ სააკაშვილს არ მიეცემა საშუალება, საქართველოში დაბრუნების და პოლიტიკურ პროცესებში სრულყოფილად ჩართვის“, - ნათქვამია რეზოლუციაში.