საქართველოს პარლამენტის თავმჯდომარის, ირაკლი კობახიძის მოწვევით, თბილისში სამუშაო ვიზიტით ვენეციის კომისიის დელეგაცია იმყოფება, რომელსაც ჯანი ბუკიკიო ხელმძღვანელობს.

ვენეციის კომისიისა და საქართველოს ურთიერთობის შესახებ კომენტარი საქართველოს პრეზიდენტის საპარლამენტო მდივანმა ანა დოლიძემ ისაუბრა. ჟურნალისტებთან თემის კომენტირებისას, დოლიძემ განაცხადა, რომ ვენეციის კომისია მზად არის რეფორმების მომზადების პერიოდშ საქართველოს მიაწოდოს ის მოსაზრება, თუ როგორ უნდა იყოს ორგანიზებული ჩვენი სასამართლო სისტემა:

„უკვე ორი ათეული წელია ვენეციის კომისია საქართველოს ეხმარება იმისათვის, რომ აქ დამკვიდრდეს კანონის უზენაესობა, დღეს ჩვენ ვიმყოფებით ორ ძალიან სერიოზულ რეფორმას შორის, საკონსტიტუციო რეფორმა, ისევე როგორც საპარლამენტო რეფორმა. ძალიან მნიშვნელოვანია ისეთი ექსპერტების აზრის მოსმენა, როგორებიც არიან ვენეციის კომისიის წევრები, როგორც ჩვენ ვნახეთ, ვენეციის კომისია მზად არის, რეფორმების მომზადების ეტაპზე, მოგვაწოდოს ის მოსაზრებები თუ როგორ უნდა იყოს ორგანიზებული ჩვენი სასამართლო სისტემა, ჩვენი კონსტიტუცია, იმისათვის, რომ დაცული იყოს ჩვენი კონტექსტი და თავისუფლება“, - განაცხადა ანა დოლიძემ.