„ერთიანი ნაციონალური მოძრაობის“ წევრის დავიტ კირკიტაძის განცხადებით, პარტიაში თანამდებობების ძირითადი ნაწილი გაუქმდება, იმისათვის რომ ენმ-მ თავი დააღწიოს კონიუნქტურის მახინჯ ფორმებს და ხალხისთვის უფრო გახსნილ პარტიად იქცეს. ამის შესახებ კირკიტაძემ დღეს ყრილობის დაწყებამდე განაცხადა.

„ერთ-ერთი სიახლე დღევანდელი ყრილობის იქნება ის რომ ნაციონალურ მოძრაობაში არანაირი თანამდებობები აღარ იარსებებს, იქნება მაქსიმალურად გახსნილი პარტია იმისათვის, რომ იყოს მეტი ადამიანის ჩართულობა. ბუნებრივია რაც არ არსებობს იმაზე დაპირისპირებაც აბსურდია. არამარტო აღმასრულებელი მდივნის, არამედ სხვა თანამდებობებიც, რომელიც პარტიას აქცევდნენ კონიუნქტურის მახინჯ ფორმად, გაუქმდება და იქნება ხალხის მაქსიმალური ჩართვა.“- განაცხადა დავით კირკიტაძემ.