„გაზპრომის“ თემაზე საპარლამენტო უმცირესობა პარლამენტის პლენარული სხდომის ფორმატში პოლიტიკური დებატების გამართვას ითხოვს. ფრაქცია „ევროპული საქართველოს“ ტავმჯდომარის განცხადებით, კახა კალაძის მხრიდან უმცირესობის ფრაქციებთან შეხვედრაზე უარის თქმის შემდგომ, მათი მოთხოვნა პარლამენტში დებატების გამართვაა:

„გაზპრომის თემა უმნიშვნელოვანესია სახელმწიფოსთვის. ჩვენ მოვითხოვთ პარლამენტში პოლიტიკური დებატები გაიმართოს, რადგან არ მოდის კალაძე, უმრავლესობას მოუწევს გასცეს პასუხი კითხვაზე, თუ რატომ ჩაიდინა ხელისუფლებამ ანტისახელმწიფოებრივი ქმედება, რატომ დააზიანა ქვეყნის ენერგოუსაფრთხოება და რატომ მიაყენა ქვეყანას ეკონომიკური ზიანი. ჩვენ ამ ყველაფერზე პასუხის მისაღებად პოლიტიკურ დებატებს ვითხოვთ“, - განაცხადა სერგო რატიანმა.

შეგახსენებთ, რომ აღნიშნულ საკითხს დღეს ეკა ბესელიაც გამოეხმაურა, რომელმაც განაცხადა, რომ ხელისუფლებას დებატებისა და კიტხვებზე პასუხების გაცემის პრობლემა არ აქვს.