"არ არსებობს პრეზიდენტის არჩევის წესის ცვლილების რეალური არგუმენტი"- რა საკითხები განიხილეს ბუკიკიოსთან NGO-ებმა

პოლიტიკა - 13:57, 20 Jan, 2017

1306

ვენეციის კომისიის პრეზიდენტი იმ არასამთავრობო ორგანიზაციების წარმომადგენლებს შეხვდა, რომლებიც საკონსტიტუციო კომისიის მუშაობაში არიან ჩართულნი. როგორც შეხვედრის დასრულების შემდეგ ახალგაზრდა იუირისტთა ასოციაციის ხელმძღვანელმა ანა ნაცვლიშვილმა განაცხადა, შეხვედრის მონაწილეებს შორის ფაქტიურად კონსენსუსი შედგა იმასთან დაკავშირებით, რომ არ არსებობს არგუმენტირებული მიზეზი იმისა თუ რატომ უნდა შეიცვალოს პრეზიდენტის არჩევის წესი:

„ფაქტიურად კონსესუსი იყო მაგიდის ირგვლივ მყოფ პირებს შორის, რომ არსებულ რეალობაში, როგორც თეორიული ასევე პრაქტიკული ნაწილის გათვალისწინებით არ არსებობს რეალური არგუმენტი იმისთვის, რატომ უნდა იყოს აუცილებელი პრეზიდენტის არჩევის წესის ცვლილება,“ - აცხადებს ანა ნაცვლიშვილი.

საკონსტიტუციო კომისიის ინკლუზიურიობის მნიშვნელობაზე ისაუბრა ეკა გიოგაურმა, მისი ტქმით მნიშვნელოვანია, რომ პროცესზე გავლენა ქონდეს ისეთ ჯგუფებსაც , რომლებიც კომისიაში არ არიან წარმოდგენილები:

„რამდენიმე საკითხს შევეხეთ პირველი არის ის თუ რამდენად საკმარისია ის 4 თვიანი ვადა, რომელიც წარმოდგენილია პარლამენტის მიერ იმისთვის რომ შეიცვალოს კონსტიტუცია და ჩატარდეს საკონსტიტუციო რეფორმა . საუბარი იყო იმაზე, რომ შესაძლოა ეს დრო საკმარისიც არ იყო. მეორე საკითხი დაკავშირებული იყო იმასთან, რომ რამდენად ინკლუზიური იქნება პროცესი. რადგან მნიშვნელოვანია, რომ პროცესზე გავლენა ქონდეს იმ ჯგუფებსაც, რომლებიც საკონსტიტუციო კომისიაში ნაკლებად არიან წარმოდგენილნი, მათ შორის საპარლამენტო ოპოზიცია“- განაცხადა ეკა გიგაურმა.