"ენმ-ს ამოცანა პუტინის გეგმების განმახორციელებლი ოლიგარქ ივანიშვილის ხელისუფლიდან ჩამოცილებაა"

"ენმ-ს ამოცანა პუტინის გეგმების განმახორციელებლი ოლიგარქ ივანიშვილის ხელისუფლიდან ჩამოცილებაა" - ბარამიძე

პოლიტიკა - 13:55, 20 Jan, 2017

3001

„ნაციონალური მოძრაობის“ ერთ-ერთი ლიდერი გიორგი ბარამიძე „ნიუპოსტთან“ ყოფილი თანაგუნდელების გადაწყვეტილებას, რომლებმაც ენმ დატოვეს პოლიტიკურ შეცდომას უწოდებს. მისი თქმით, ბიძინა ივანიშვილს „ნაციონალური მოძრაობის“ გაქრობა არც ამჯერად გამოუვიდა.

„ძალიან მნიშვნელოვანი ყრილობაა, რადგან ის არჩევნების შემდეგ ტარდება. ივანიშვილს ამოცანა ჰქონდა, რომ ენმ გაექრო, თუმცა ეს მან ამ არჩევნების შემდეგაც ვერ მოახერხა. სამწუხაროდ რამდენიმე მნიშვნელოვანმა ლიდერმა რომლებიც პარლამენტში ენმ-ს ამომრჩეველს წარმოადგენდა მიიღეს პოლიტიკურად არასწორი გადაწყვეტილება. იმ გუნდში პიროვნულად ძალიან ახლობელი ადამიანებიც არიან, თუმცა მათი გადაწყვეტილების გამო "ნაციონალური მოძრაობის" მიზნები არ იცვლება. ჩვენი უახლოესი ამოცანაა ივანიშვილის როგორც პუტინის გეგმების განმხორციელებელი ოლიგარქის ხელისუფლიდან ჩამოცილება, ამ მიზნის განხორციელებისთვის ენმ გამოიყენებს კანონით გათვალისწინებულ ყველა ძალისხმევას როგორც საპარლამენტო ასევე სხვა ღონისძიებებს“- განუცხადა „ნიუპოსტს“ ბარამიძემ.

მისი თქმით, „ენმს აქვს სრული მობილიზება მაქსიმალური ერთიანობა, რომ შეცვალოს ივანიშვილის რეჟიმი,:

„დღევანდელ ყრილობაზე ჩვენ უნდა მოვუყაროთ თავი ჩვენს იდეებს და ბუნებრივია ჩვენ ავირჩევთ პარტიის ხელმძვანელობას" .

„ნიუპოსტის“ კითხვაზე შეცვლის თუ არა ნაციონალური მოძრაობა პარტიის გენერალური მდივნის პოსტზე ვანო მერაბიშვილს, ენმ-ს ლიდერმა განაცხადა, რომ ვანო მერაბიშვილის სურვილია არ იყოს პოლიტიკურად აქტიური.

„ალბათ ჩვენ მოგვიწევს ახალი გენერალური მდივნის არჩევა, განხორციელდება საბჭოს მიერ და ყრილობაზე ასევე იქნება კანდიდატურა წარდგენილი“- აღნისნა ბარამიძემ.