ხელშეკრულება გაზპრომთან - კალაძე ოპოზიციას და არასამთავრობოებს სპეციალური განცხადებით პასუხობს

პოლიტიკა - 20:25, 18 Jan, 2017

2576

ვიცე-პრემიერმა, ენერგეტიკისა და ბუნებრივი რესურსების მინისტრმა კახა კალაძემ „გაზპრომის“ საკითხთან დაკავშირებით, ბრიფინგი გამართა.
მინისტრის განცხადებით, რუსულ ენერგო გიგანტთან გაფორმებული ხელშეკრულების ირგვლივ ატეხილი აჟიოტაჟი ვიწრო პოლიტიკური ჯგუფის მიერ არის ორგანიზებული.

კალაძემ, აღნიშნული ჯგუფი "დეზინფორმაციული ისტერიკის" მოწყობაში დაადანაშაულა.

"ქვეყანაში მიმდინარე დინამიური და პოზიტიური ცვლილებების მიუხედავად, გამარგინალებული და მოსახლეობაში არაპოპულარული პირები თუ ჯგუფები ძველი ინერციით მოქმედებენ და საკუთარი უსარგებლობის გადასაფარად ქვეყანაში მიმდინარე პოლიტიკურ და ეკონომიკურ პროცესებს იყენებენ და დეზინფორმაციულ ისტერიას აწყობენ. არა ვიწრო პოლიტიკური ინტერესების ჯგუფებისთვის, არამედ ჩვენი მოსახლეობისთვის, მთელი პასუხისმგებლობით კიდევ ერთხელ მინდა განვმარტო ამ მოლაპარაკებების შედეგი. ამ მოლაპარაკებებით ჩვენ შევინარჩუნეთ ენერგოდამოუკიდებლობის იგივე ხარისხი, ქვეყნის სატრანზიტო ფუნქცია რეგიონში და სტაბილური განვითარება, შეიცვალა მხოლოდ გადახდის ფორმა. ამაზე ჩვენ ვაცნობეთ მოსახლეობას, ხოლო ისტერია ამაზე და დემაგოგია არის ქულების დაწერა"- აღნიშნა კალაძემ.

მისი თქმით, "ქართულ ოცნებას" მოსახლეობამ იმიტომ დაუჭირა მხარი, რომ მთავრობამ ქვეყნის ინტერესებიდან გამომდინარე მიიღოს გადაწყვეტილება.

"ჩვენ მოსახლეობამ იმიტომ აგვირჩია, რომ ქვეყნის ინტერესებიდან გამომდინარე საჭირო გადაწყვეტილებები მივიღოთ. "გაზპრომის" ხელშეკრულები შესახებ მედიისთვის ამომწურავი ინფორმაცია იყო მიცემული, შედგა ასევე კომუნიკაცია პრეზიდენტის ადმინისტრაციასთან და არასამთავრობო ორგანიზაციებთან. ძალიან სამწუხაროა, რომ პოლიტიკურ ჯგუფების გამო განმარტებების გაკეთება გვიწევს და ამით რისკის ქვეშ აყენებენ ქვეყნის სტაბილურ განვითარებას, აჟიოტაჟის ატეხვა ემსახურება იმას, რომ დაიწერონ ქულები. ქვეყნის პოლიტიკურ ცხოვრებაში ადგილის დამკვიდრება შესაძლებელია აქტიური საქმიანობით. პოლიტიკური პოპულიზმის დროს დამთავრდა, იმედია ეს ხარვეზი მოსახლეობის ჯანსაღი პოზიციით სულ მალე გამოსწორდება. ჩენ გუნდს გააზრებული აქვს პასუხიმგებლობა ქვეყნის შიგნით და გარეთ მიმდინარე პროცესებზე, ჩვენ ვიღებთ ქვეყნისთვის ოპტიმალურ გადაწყვეტილებას"- აღნიშნა კახა კალაძემ.

შეხვედრაზე მყოფი ჟურნალისტები დაინტერესდნენ რა ფინანსური სხვაობაა წინასა და ახალ ხელშეკრუელბას შორის, რაზეც ენერგეტიკის მინისტრმა აღნიშნა, რომ პირველ წელს ქვეყანა შემოსავალს ნაწილობრივ კვლავ ნედლეულის სახით მიიღებს.

"ჩვენ გავაფორმეთ ორწლიანი ხელშეკრულება, წინას 31 დეკემბერს ამოიწურა ვადა. ეს არის მოკლევადიანი ხელშეკრულება, პირველ წელს ნაწილობრივ ისევ ნედლეულის სახით ვიღებთ. პირველ წელს ჩენ არანაირ განსხვავებას ვერ ვღებულობთ. მეორე წელს არის ფინანსური განსხვავება, თუმცა არის მეორე თემა პოლიტიკური მომენტი. ეს იყო ერთადერთი სწორი რაციონალური გადაწყვეტილება, რაც საქართველოს ხელისუფლებამ მიიღო"- განმარტა კალაძემ.

კითხვაზე რატომ დადგა ქართული მხარე არჩევანის წინაშე? ვიცე-პრემიერმა თქვა, რომ არსებული რეალობის გათვალისწინებით რაციონალური გადაწყვეტილება იქნა მიღებული.

"აქ არ იყო მხოლოდ და მხოლოდ გაზპრომის მოთხოვნებზე დათანხმება, ეს იყო რამდნიმე რაუნდიანი მოლაპარაკებები. ჩვენი პოზიციები იყო განსხვავებული, თუმცა ბოლო შეხვედრებზე გამოიკვეთა წერტილები რაზეც შესაძლებლი იყო შეთანხმების მიღწევა. ბოლოს, როცა ჩვენ გვქონდა შეხვედრა მივაღწიეთ ამ შეთანხმებას. 31 დეკემებერს დასრულდა ერთი წლის წინანდელი ხელშეკრულება, ამიტომ ის ახალი რომელიც იქნა გაფორმებული იმ არსებული რეალობიდან გამომდინარე არის მაქსიმალური შედეგი პოლიტიკური და ეკონომიკური თვალსაზრისით. მთავარია რომ ენერგოდამოკიდებულება არ გაზრდილა, ვინარჩუნებთ სატრანზიტო ფუნქციას, შეიცვალა მხოლოდ გადახდის ფორმა გასულ წელთან შედარებით. იმ შემთხვევაში თუ ქვეყანას საშუალება ექნება შიდა მოხმარებისთვის წამოიღოს დამატებით გაზი, აქაც ნაკელბი ფასით გევქნება ამის შესაძლებლობა"- დასძინა ვიცე-პრემიერმა.