დაუმორჩილებლობა სამინისტროსადმი - "კლინიკებს ვთხოვეთ ეზოს დასუფთვება, ტერიტორიები ვერ გაიყვეს, შემოსავლებს წარმატებით ინაწილებენ"

პოლიტიკა - 11:55, 18 Jan, 2017

4499

ჯანდაცვის სამინისტრო რეფორმების მეორე ეტაპს იწყებს. სამოქმედო გეგმის გაცნობის მიზნით კი საქართველოს ჯანდაცვის მინისტრის წამყვანი კლინიკების ხელმძღვანელებს შეხვდა და მათთან იმ პრობლემებზე ისაუბრა, რაც დღეისათვის ჯანდაცვის სისტემაში არსებობს. ერთ-ერთი პრობლემა კი სამინისტროსადმი დაუმორჩილებლობა აღმოჩნდა:

„როდესაც ერთ-ერთ დიდ კლინიკურ გაერთიანების, როდესაც ერთ შენობაში, ერთ ეზოში არის მოქცეული რამდენიმე წამყვანი კლინიკა, თითქმის ნახევარი წლის განმავლობაში ჯანდაცვის სამინისტრო უმორჩილესად სთხოვს, რომ ეზო მოაწესრიგონ და სამედიცინო ნარჩენები არ ეყაროს ეზოში, მათგან ვისმენთ, რომ ეს ტერიტორია არ არის განაწილებული კლინიკებზე და აბა როგორ მოვახერხოთო, სამაგიეროდ შესასვლელში შლაგბაუმი, რომელიც ალბათ ყველაზე გამართული აპარატია იმ კლინიკაში მოწესრიგებულად მუშაობს და მჯერა, რომ ამ შლაგბაუმის შემოსავლებს დიდი წარმატებით ინაწილებენ, მიუხედავად იმისა, რომ ტერიტორია ვითომ და არ აქვთ განაწილებული. თითქოს მარტივი, მაგრამ ეს აჩვენებს დამოკიდებულებას კლინიკებისა სახელმწიფოსადმი“, - განაცხადა დავით სერგეენკომ.