უმრავლესობა ხმის მიცემისას პრიორიტეტად პარტიის ეკონომიკურ პოლიტიკას ასახელებს- NDI

პოლიტიკა - 11:30, 18 Jan, 2017

1132

NDI-ს კვლევის ფარგლებში ჩატარებული გამოკითხვის თანახმად საპარლამენტო არჩევნებში ხმის მიცემისას, ყველაზე მნიშვნელოვან საკითხად გამოკითხულთა 39% პარტიის ეკონომიკურ პოლიტიკას ასახელებს. 16%-სთვის მნიშვნელოვანი იყო პარტიის პოზიცია ჯანდაცვასთან დაკავშირებით, ხოლო 10%-სთვის პარტიის პოზიცია - ეროვნულ უსაფრთხოებაზე.

მათი უმეტესობისთვის, ვინც წავიდა არჩევნებზე, მნიშვნელოვანი გავლენა მოახდინა გადაწყვეტილებაზე შემდეგმა ფაქტორებმა:

ნდობა პარტიების კონკრეტული წარმომადგენლების მიმართ - მნიშვნელოვანი (77%), არც მნიშვნელოვანი, არც უმნიშვნელო - 8%, უმნიშვნელო - 12%.

პარტიის საარჩევნო პროგრამა და დაპირებები - მნიშვნელოვანი (74%), არც მნიშვნელოვანი, არც უმნიშვნელო - 10%, უმნიშვნელო - 16%.

პარტიის წარსული საქმიანობა - მნიშვნელოვანი (73%), არც მნიშვნელოვანი, არც უმნიშვნელო - 10%, უმნიშვნელო - 16%.

ახლობლების პოლიტიკური შეხედულებები - მნიშვნელოვანი (48), არც მნიშვნელოვანი, არც უმნიშვნელო (15%), უმნიშვნელო - 34%.

პარტიის მიერ არჩევნებში გამარჯვების მაღალი შანსი - მნიშვნელოვანი (43%), არც მნიშვნელოვანი, არც უმნიშვნელო - 17%, უმნიშვნელო - 35%.

არჩევნებზე მისულ რესპონდენტთა (77%) უმრავლესობა (62%) ამბობს, რომ გადაწყვეტილება - ვისთვის მიეცა ხმა, საარჩევნო კამპანიის დაწყებამდე მიიღო.

NDI-ის კვლევის საველე სამუშაოები ჩატარდა 4 ნოემბერი - 4 დეკემბრის პერიოდში. ოკუპირებული ტერიტორიების გამოკლებით, ქვეყნის მასშტაბით სულ 3 141 პირი გამოიკითხა. საშუალო ცდომილების ზღვარი +/-1,8%-ია.