ერგნეთში ინციდენტების პრევენციისა და მასზე რეაგირების მექანიზმის ფარგლებში მორიგი შეხვედრა დღეს გაიმართება.

ოფიციალური თბილისი მოლაპარაკებების ამ რაუნდზე დაკავებული გიორგი გიუნაშვილის დაუყოვნებლივ გათავისუფლებას კიდევ ერთხელ მოითხოვს.

შერიგებისა და სამოქალაქო თანასწორობის საკითხებში სახელმწიფო მინისტრის განცხადებით, ოფიციალური თბილისი საოკუპაციო ხაზიდან მოქალაქეების გატაცების საკითხსაც დააყენებს, ასევე განხილული იქნება უსაფრთხოებისა და ჰუმანიტარული პრობლემები.