„ეს არ იყო ერთობის ყრილობა, ეს იქნებოდა ანგარიშსწორების, პარტიის სასაფლაოზე მოწყობილი ბალაგანი“, - გიგი უგულავა „ერთიანი ნაციონალური მოძრაობის“ ყრილობაზე კომენტარს აკეთებს. ამის შესახებ დედაქალაქის ყოფილმა მერმა გადაცემა „არჩევანში“ ისაუბრა:

„ნებისმიერი პარტიის შემთხვევაში, ყრილობა არის ერთობის დემონსტრირება, ეს არ იყო ერთობის ყრილობა, ეს იქნებოდა ანგარიშსწორების, პარტიის სასაფლაოზე მოწყობილი ბალაგანი, იქ რომ ეს ორივე მხარე მისულიყო, იქ მოხდებოდა უბედურება. ეს პარტია ჩემთვის ძვირფასი რომ იყო ამიტომაც გავუშვი ხელი და დარჩეს მიშასთან. ჩვენ რომ ნორმალურ სიტუაციაში ვიყოთ რა თქმა უნდა ვიბრძოლებდით პარტიის შიგნით რეფორმებზე და ყრილობამდეც მივიდოდით. მეჩვენება რომ მიშა გადასულია თავისი ოდისეის წერაზე, რასაც არანაირი კავშირი არ აქვს ხალხთან“, - განაცხადა უგულავამ.