თბილისის ყოფილი მერის გიგი უგულავას განცხადებით, პარტიის თავმჯდომარეობის საკითხი 2013 წელსაც იდგა, რომელიც მწვავე კონფლიქტით დასრულდა. ამის შესახებ უგულავამ რუსთავი 2-ის გადაცემა „არჩევანში“ ისაუბრა:

„მე არ ვიბრძვი დაბრუნებისთვის, მითუმეტეს არ ვაპირებ თბილისის მერობისთვის კენჭისყრას. ეს არის განსხვავება ჩემსა და მიშას შორის, მიშა ამას უყურებს როგორც დაბრუნების პროექტს. დღეს საზოგადოებას განსხვავებული რამ სჭირდება. შეუძლებელია ოპოზიციაში ერთპიროვნული მმართველობა არსებობდეს, ეს შესაძლებელი კიდევ არის როდესაც სახელისუფლებო პარტიაა. ეს ახალი ურთიერთობები სააკაშვილისთვის მიუღებელი აღმოჩნდა, თავმჯდომარის საკითხი არ წამოწეულა ახლა, 2013 წლის თებერვალში გვქონდა ამაზე საუბარი, რომელიც ასევე მწვავე კონფლიქტით დასრულა. პოლიტიკოსი თუ ხარ და თუ ფორმაში ხარ რა თავმჯდომარეობაზე და ცარიელ ბუტაფორიულ სკამზე საუბრობ“, - განაცხადა გიგი უგულავამ.