80 არასამთავრობო ორგანიზაცია "გაზპრომთან" გაფორმებულ ხელშეკრულებაზე გრიფის მოხსნას ითხოვს

პოლიტიკა - 15:11, 17 Jan, 2017

1421

80 არასამთავრობო ორგანიზაცია ხელისუფლებას გაზპრომთან გაფორმებული ხელშეკრულებაზე გრიფის მოხსნისკენ მოუწოდებს. მათი განცხადებით რუსეთთან გაფორმებული ხელშეკრულებები მხოლოდ კომერციულ ჩარჩოებში არ ჯდება, რადგან რუსეთს საქართველოსთან მიმართებაში ოკუპანტის სტატუსი აქვს. სამოქალაქო სექტორი მიმართვას ავრცელებს სადაც დეტალურად აღწერს, თუ რა რისკების მომტანია რუსულ კომპანიებთან ხელშეკრულების პირობების შეცვლა:

„მთავრობის მიერ მოწონებული ხელშეკრულება მკვეთრად აუარესებს საქართველოსთვის აქამდე არსებული ტრანზიტით მიღებულ სარგებელს, როგორც ეკონომიკური ისე ენერგეტიკული უსაფრთხოების თვალსაზრისით. ამასთანავე საქართველო უფრო მეტად დამოკისებული ხდება რუსეთის პოლიტიკურ ნებაზე. ამ ხელშელრულებით საქართველო კარგავს გაზის მნიშვნელოვან მოცულობას, რასაც ადრე ტრანზიტის საფასურით იღებდა და 2018 წლიდან საბოლოოდ გადადის ფულად ანაზღაურებაზე, რომელიც არსებულ სარგებელთან შედარებით რამდენჯერმე ნაკლებია. ასევე ახალი მიდგომა ასევე ამყარებს რუსეთის პოზიციას ტრანზიტის საფასურთან დაკავშირებით მომავალი ახალი კონტრაქტების გაფორმებაზე. აძლევს მას მეტ საშუალებას დაიყოლიოს ქვეყანა მეტ დათმობაზე.“- აღნიშნულია მიმართვაში.

"საქართველოს რუსეთთან ასეთი ტიპის ხელშეკრულებების საკითხი მხოლოდ კომერციულ ჩარჩოებში ნამდვილად არ ჯდება, იმიტომ, რომ რუსეთი ჩვენი ქვეყნის ოკუპანტია,“- განაცხადა ეკონომიკური პოლიტიკის კვლევის ცენტრის აღმასრულებელმა დირექტორმა, ნინო ევგენიძემ.

კაპიტულანტურს უწოდებს აღნიშნულ ხელშეკრულებას აღმოსავლეთ პარტნიორობის სამოქალაქო საზოგადოების ფორუმის ეროვნული პლატფორმის თავმჯდომარე, ლაშა ტუღუში:

„გაუგებარია, როდესაც გვეუბნებიან, რომ ეს შეთანხმება კომერციული საიდუმლოებაა. როდესაც რუსეთი არის ოკუპანტი. ეს არის კაპიტულანტური შეთანხმება, რომელიც არის საზიანო საქართველოსთვის,“- განაცხადა ლაშა ტუღუშმა.