"ჩემს გამო დასჯა, არაა საკმარისი მიზეზი, რომ ჩემზე უფრო გაბრაზდე, ვიდრე უსამართლოდ დამსჯელზე"- სააკაშვილი უგულავაზე

პოლიტიკა - 22:42, 16 Jan, 2017

2592

მიხეილ სააკაშვილმა გადაცემა „არჩევანში“ ყოფილ თანაგუნდელ გიგი უგულავაზე ისაუბრა და განაცხადა რომ ადამიანურად უხარია ის , რომ გიგი უგულავა დღეს თავისუფალია. სააკაშვილის თქმით ივანიშვილის მთავარი პრობლემა სწორედ თავადაა, და გიგი უგულავაც იმიტომ დაისაჯა, რომ სააკაშვილს ეხმარებოდა.

როგორც სააკაშვილმა განაცხადა, ის რომ უგულავა ივანიშვილმა მის გამო დასაჯა საკმარისი მიზეზი არაა იმისთვის, რომ უგულავა ახლა ივანიშვილზე მეტად სააკაშვილზე იყოს გაბრაზებული:

„მართლა ადამიანურად მიხარია, რომ ის არის გარეთ, ახალგაზრდა ადამიანი, ჯან-ღონით სავსე რამდენიმე წლით გაამწესეს საპატიმროში მხოლოდ იმისთვის, რომ რაც შეძლო და როგორც შეეძლო თავისი უნარების ფარგლებში მე მეხმარებოდა თბილისის განვითარებაში, მე ამაში მადლობელი ვარ მისი, მიმაჩნია უკიდურეს უსამართლობად მისი დასჯა ამისთვის. ისიც ვიცი, რომ ის ძირითადად ჩემ გამო, ისევე როგორც სხვა პოლიტპატიმრები, ივანიშვილის მთავარი პრობლემა ვარ მე. ის რომ ჩემ გამო დაისაჯე, არ არის საკმარისი მიზეზი, რომ ჩემზე უფრო გაბრაზდე, ვიდრე უსამართლოდ დამსჯელზე. მესმის ფსიქოლოგია, როცა ვიღაცის გამო ისჯები, მტკივნეულია, მაგრამ ჩემ გამოც არ იყო, იდეის გამო იყო,“- განაცხადა მიხეილ სააკაშვილმა.