"მეგობრობას არ ვურევდი სახელმწიფო საქმიანობაში, ივანიშვილი ამას მინუსად მითვლიდა"- სააკაშვილი

პოლიტიკა - 21:46, 16 Jan, 2017

16173

მიხეილ სააკაშვილის თქით მას გული წყდება, როდესაც ადამიანების დეგრადირების მოწმე ხდება, აღნიშნული განცხადება სააკაშვილმა „არჩევანის“ ეთერში ყოფილ თანაგუნდელებზე საუბრისას გააკეთა, საქართველოს მესამე პრეზიდენტის თქმით ის მეგობრობას სახელმწიფო საქმიანობაში არ ურევს და ამ საკითხში მისთვის წითელი ხაზები არსებობს:

„მეგობრობას არ ვურევდი სახელმწიფო საქმიანობაში. ივანიშვილი ამას მინუსად მითვლიდა, მე არ მიმაჩნდა, რომ პიროვნული იდეები უნდა დავაყენოთ სახელმწიფოებრივზე მაღლა. ვავალებდი ყველას რომ ჩემი ნათესავები სათოფეზე არ გაეკარებინათ თანამდებობასთან და ფულის კეთებასთან. ეს ეხებათ თანაკლასელებს და მათ ვისთანაც გადაკვეთა მქონია. ადამიანურად გული მწყდება ხანდახან, რომ ვუყურებ ადამიანის დეგრადირებას. აქ არის საუბარი კატეგორია - სახელმწიფოებრიობაზე. აქ პირადი ურთიერთობების ადგილი თუ არის, არის მაშინ როცა ყველაფერს მოვრჩებით ყვარელში რთველის დროს სუფრაზე, მაგრამ იმის იქით, სახელმწიფო უწყებებში- არა. ბევრ მათგანთან ბავშვებიც მყავს მონათლული მაგრამ როგორც კი გადააბიჯებდნენ წითელ ხაზს, იქ ყველაფერი მთავრდებოდა. ეს ეხება ბევრ ცნობილ სახელს ნაცმოძრაობის დამფუძნებლებიდან.“- განაცხადა მიხეილ სააკაშვილმა.