"ნაციონალური მოძრაობის" წარმომადგენლები "ევროპული საქართველოს" წევრებს ორმაგი თამაშსა და პროცედურულ ხრიკებში ადანაშაულებენ. თინა ბოკუჩავას თქმით, ისინი არ პოვებენ პარლამენტში "ნაციონალური მოძრაობის" ფრაქციას და 12 იანვარს გაკეთებული განცხადებების მიუხედავად, ნაციონალური მოძრაობის საპარლამენტო ფრაქციები ახალი პარტიის წარმომადგენლებს ოფიციალურად დატოვებული ჯერ არ აქვთ და ამით თანამდებობებისა და მასთან დაკავშირებულ სარგებელის შენარჩუნებას აპირებენ.

„მათ ჩაატარეს ფრაქციის სხდომა, სადაც გადაირჩიეს თავმჯდომარე, ნიკა მელია. ასევე შეიტანეს ცვლილება წესდებაში და შეუცვალეს სახელი ფრაქციას. ასევე შესაბამის სამსახურებს პარლამენტში ისინი უცხადებენ, რომ არ ტოვებენ ნაციონალური მოძრაობის ფრაქციას. ამგვარი ორმაგი თამაში და პროცედურული ხრიკები არის მცდელობა მათი მხრივ, რომ ერთი მხრივ დააბნიონ ამომრჩეველი და ასევე, ამ დამატებითი ფრაქციის შენარჩუნებით შეინარჩუნონ დამატებითი თანამდებობები და შესაბამისი სარგებელი და სიკეთეები," - აცხადებს ბოკუჩავა.

ნაციონალური მოძრაობა სამართლებრივი მექანიზმებისა და ყველა შესაძლო ბერკეტის გამოყენებას გეგმავს, რათა პარლამენტში ერთიან ნაციონალურ მოძრაობას ჰყავდეს თავისი ფრაქცია, ისინი უახლოეს ბიუროს სხდომაზე, რომელიც საგაზაფხულო სესიის გახსნისთანავე გაიმართება, ბიუროსა წერილით მიმართავენ. შესაბამისი განცხადება შევა პარლამენტის საპროცედურო საკითხთა კომიტეტშიც.