,,კითხვების ხარისხს ვაკვირდები“ - რომელი მედიასაშუალებიდან სურს მაღლაფერიძეს ჟურნალისტების წაყვანა

პოლიტიკა - 18:49, 13 Jan, 2017

3509

ვასილ მაღლაფერიძე „საზოგადოებრივი მაუწყებლიზე” ცვლილებებს იწყებს. ერთ-ერთი ცვლილების შესახებ დღეს გახდა ცნობილი. არხის გენერალური დირექტორის კონსულტანტად ჟურნალისტი ია ანთაძე დაინიშნა. მაღლაფერიძე ასევე „ნიუპოსტთან“ ადასტურებს ინფორმაციას, რომ მას სხვადასხვა არხის ჟურნალისტებთან კონსულტაციები აქვს. "ვისთანაც პირველი დიალოგი მქონდა იყო "იმედის" თანამშრომელი, მაქვს დიალოგი "რუსთავი 2"- ის თანამშრომლებთან, "იბერიასთან", GDS - თან საუბაბარი არ მქონია, "ნიუპოსტის" ჟურნალისტს რომ შევთავაზო სამსახური დანაშაულია? შეიძლება თქვენს სააგენტოსთანაც ვაწარმოო დიალოგი. ვაკვირდები კითხვების ხარისხს" - უთხრა "ნიუპოსტს" მაღლაფერიძემ. რაც შეეხება უშუალოდ ია ანთაძის დანიშვნას „საზმაუს“ გენერალური დირექტორი ამბობს, რომ ამ უკანასკნელის კანდიდატურა მისი წარსულის და კომპეტენციის გათვალისწინებით დაამტკიცა. "კომპეტენცია, პროფესიონალიზმი და სანდოობა, ამ კრიტერიუმით შეირჩა მისი კანდიდატურა. ია ანთაძის ბიოგრაფიაში მხოლოდ GDS - ი არ არის, ამ ტელევიზიის ხსენება თანდათან ვირუსულ მდგომარეობაში გადადის. ანთაძის და ჩემი ბიოგრაფია მხოლოდ GDS-თან არ არის დაკავშირებული. მგონია, რომ ვიღაცას მანიაკალურ ახირებაში გადაუვიდა ამ თემაზე კითხვების დასმა"- თქვა მაღლაფერიძემ.