რატომ არ შედგა სტრასბურგში ქართველი მოსამართლეების შესარჩევი კონკურსი

რატომ არ შედგა სტრასბურგში ქართველი მოსამართლეების შესარჩევი კონკურსი - წულუკიანის უწყების პასუხი

პოლიტიკა - 13:48, 13 Jan, 2017

1780

სტრასბურგში მოსამართლეთა კონკურსის შერჩევისთვის კომიტეტის სხდომაზე საქართველოს საკითხი ჩავარდა. კომიტეტზე ქვორუმი არ შედგა. რა კითხვები არსებობს სტრასბურგში საქართველოდან წარდგენილ მოსამართლეების შერჩევის წესთან დაკავშირებით და რამდენად შეძლებს საქართელო, მითითებულ ვადებში ჩაეტიოს.

როგორც „ევროპელი დემოკრატების“ ლიდერი პაატა დავითაია „ნიუპოსტთან“ საუბრისას აცხადებს, რაც მოხდა, არის ქვეყნის სირცხვილი და ხელისუფლებას მოუწოდებს, დროულად დაიწყოს მსჯელობა ახალი კონკურსის ჩასატარებლად, რადგან ევროპაში არსებობს კითხვები კანდიდატების შერჩევის წესთან დაკავშირებით. დავითაია დარწმუნებულია, რომ საკითხი რომელიც იანვრის ბოლომდე უნდა გადაწყდეს, ჩავარდება და ქვეყანა ცუდ მდგომარეობაში აღმოჩნდება.

„ნიუპოსტი“ აღნიშნულ საკითხზე კომენტარისთვის იუსტიციის სამინისტროს დაუკავშირდა. სადაც განაცხადეს, რომ სხდომა ქვორუმის არარსებობის გამო არ ჩატარდა, მომდევნო სხდომა კი იმავე დღისწესრიგით ჩატარდება და წარდგენილნი იქნებიან კვლავ იგივე კანდიდატები:

„რა შუაშია კანდიდატები აქ? ჩავარდა რას ნიშნავს? რა თქმა უნდა ისევ ის კანდიდატები იქნებიან, რომლებიც ახლა იყვნენ. სხდომა არ ჩატარებულა, კანდიდატების განხილვა ვერ შედგა, რადგან არ იყო შესაბამისი ოდენობის ადამიანი, შემდგომი სხდომა ჩატარდება იმავე დღისწესრიგით, რაც ახლა იყო“, - აცხადებენ იუსტიციის სამინისტროში.

„ნიუპოსტთან“ საუბრისას ვახტანგ ხმალაძე აცხადებს, რომ წარმოდგენილ კანდიდატებს შორის მისთვის მისაღები ალექსანდრე ბარამიძეა, რომელიც მისი აზრით აკმაყოფილებს ყველა იმ მოთხოვნას, რაც კი სტრასბურგის სასამართლოს მოსამართლეს შეიძლება ჰქონდეს. ხმალაძეც აცხადებს, რომ სხდომა ქვორუმის არასრებობის გამო არ შედგა:

„სხდომა არ შედგა ქვორუმის არარსებობის გამო. მიმაჩნია, რომ ალექსანდრე ბარამიძე არის ის კანდიდატი, რომლეიც ჩემი აზრით აკმაყოფილებს ყველა იმ მოტხოვნას, რაც კი სტრასბურგის სასამართლოს მოსამართლეს შეიძლება ჰქონდეს“, - აცხადებს ვახტანგ ხმალაძე.

პაატა დავითაიას განცხაადებით, სხდომაზე ჟურნალისტების დასწრება თავისუფალი უნდა ყოფილიყო, თუმცა, სხდომას არცერთი ჟურნალისტი არ დასწრებია და არ არსებობს არავითარი ჩანაწერი. დავითაია მიიჩნვს, რომ აუცილებელია ახალი კონკურისის ცატარება და ახალი კანდიდატების შერჩევა, თუმცა, როგორც „ნიუპოსტს“ რესპონდენტებმა განუცხადეს მსგავსი არაფერი იგეგმება და მომავალ სხდომაზე იმავე კანდიდატების წარდგენა მოხდება.