„გაზპრომთან“ წლების განმავლობაში დადებული ხელშეკრულების პირობის ცვლილებას ექსპერტები აფასებენ. გიორგი რუხაძის განცხადებით, ეს არის ცუდი პოლიტიკური გზავნილი რეგიონის ქვეყნებისთვის და დასავლელი პარტნიორებისთვის:

„გაზპრომმა შამათი გაუკეთა საქართველოს ენერგეტიკის სამინისტროს და საქართველომ დათმო პოზიციები, რომლითაც ძალიან ცუდი სიგნალი გააგზავნა, როგორც რეგიონის ქვეყნებში, ასევე დასავლეთში, რომ ამ ქვეყანას არ შეუძლია საკუთარი ინტერესების დაცვა იმ შემთხვევაშიც კი, როდესაც ის უპირატეს მდგომარეობაში იმყოფება მოლაპარაკებებში,“ -განაცხადა ევროპის ქრისტიანულ-პოლიტიკური მოძრაობის ვიცე პრეზიდენტმა, გიორგი რუხაძემ.