„თუ სასამართლო ყადაღას არ მოგვიხსნის ცერცვაძის გამოსახულებით ტუალეტის ქაღალდებს დავამზადებთ“- iPhone+

პოლიტიკა - 17:49, 12 Jan, 2017

3324

iPhone+_ის ყადაღის საქმე უკვე გასაჩივრებული გვაქვს სააპელაციო სასამართლოში, ვალერიან ცერცვაძის საკუთარ სასამართლოში. რადგან სააპელაციოს მთავარ მოსამართლესთან გვაქვს დავა და სამართალს ვერ ვპოულობთ, საზოგადოებამ უნდა იცოდეს ვინაა ვალერიან ცერცვაძე. თუ სააპელაციო სასამრთლო არ მოხსნის ყადაღას, გავმოვუშვებთ 1 553 000 ცალ ტუალეტის ქაღალდს, სადაც ყველა მოსახევ ნაჭერზე ვალერიან ცერცვაძე იქნება გამოსახული. ტუალეტის ქაღალდს, ვალერიან ცერცვაძის გამოსახულებით ყველას დავურიგებთ საჩუქრად, - ამის შესახებ განცხადებას iPhone+_ის ავრცელებს.

iPhone+_ის განმარტებით, კომპანიას ყადაღა სააპელაციო სასამართლოს თავმჯდომარემ, ვალერიან ცერცვაძემ დაადო. iTechnic-ი ვალერიან ცერცვაძის საოჯახო ბიზნესია. iTechnic-ის მოთხოვნით სასამართლომ iPhone+_სს უსამართლო და უპრეცედენტო 1 553 000 ლარის ოდენობის ყადაღა დაადო.

“როგორც ჩანს ვალერიან ცერცვაძემ არ იცოდა, რომ გავიგებდით მომჩივანი iTechnic-ი მისი საოჯახო ბიზნესია და მან გადაწყვიტა ჩვენი ბიზნესის და ფულის წართმევა. ქარხანა მზადაა შეკვეთის მისაღებად, ველოდებით 18 იანვარს - სააპელაციო სასამართლოს გადაწყვეტილების დღეს. გვინდა გავაფრთხილოთ ცერცვაძე, რომ არ ვაპირებთ გავჩერდეთ ჩვენთვის წართმეული ფულის! დასაბრუნებლად”, - ნათქვამია iPhone+_ის მიერ გავრცელებულ განცხადებაში.