"ეს არ არის დაშლა, ეს გუნდის გაყოფაა" - ბოკერია-უგულავა-ბაქრაძის ფრთამ ენმ დატოვა

პოლიტიკა - 14:59, 12 Jan, 2017

3385

„ერთიანი ნაციონალური მოძრაობის“ ცენტრალურ ოფისში საგანგებო ბრიფინგი მიმდინარეობს, რომლის ფარგლებშიც დავით ბაქრაძემ "ერთიანი ნაციონალური მოძრაობის“ გაყოფის შესახებ ოფიციალურად განაცხადა :

„ჩვენი საზოგადოება თვალს ადევნებს კამათს და დისკუსიას, რომელმაც არასწორი ფორმა მიიღო. ასეთი უთანხმოებები არსებობდა ყოველთვის, მაგრამ საპარლამენტო არჩევნების შემდეგ განსაკუთრებით გამწვავადა საკითხები, ეს ეხებოდა პარტიის ტაქტიკას, მის წარსულს და აწმყოს, იმ ადგილს, რომელიც პარტიას უნდ ეკავოს, ეს უთანხმოება ეხება პარტიის მომავალს, რა უნდა შევთავაზოთ ჩვენს ქვეყანას. ამ უთანხომოებების გაგრძელება იყო ის დებატები, რომელიც ყრილობასთან დაკავშირებით მიმდიანრეობდა, ყრილობის იმ ფორმით ჩატარება, რომლითაც იგეგმება პარტიის გახლეჩვას მოემსახურება. დღეს დავდექით იმ რეალობის წინაშე როდესაც ხდება პარტიის გაყოფა.

ადამიანები, რომლებიც წლების განმავლობაში იბრძოდნენ ამ პარტიის სახელით, მათ არასდროს უკან არ დაუხევიათ, არ დაუხევიათ უკან მაშინაც როდესაც ლიდერების წინააღმდეგ მიმდინარეობდა სისხლის სამართლებრივი დევნა, არც აქციებზე, ქუჩაში, პარლამენტში არ დაუხევიათ უკან. ეს გუნდი იყო სახე და ხერხემალი ნაციონალური მოძრაობის ამ წლების განმავლობაში, დღეს ხდება ნაციონალური მოძრაობის გაყოფა, ეს არის მძიმე განცხადება. ნებისმიერი რთული ემოცია და ტკივილი ყოველთვის არის მომავლის შექმნის თანმდევი პროცესი, როგორიც არ უნდა ყოფილიყო უთანხმოებები ჩვენს შორის, ეს არის წარსული, ჩვენ ვიწყებთ მომავლის შენებას, იმ მომავლის შენებას, რომელიც სჭირდება ქართულ სახელმწიფოს. დავრჩებით მოკავშირეებად ივანიშვილის რეჟიმის წინააღმდეგ ბრძოლაში. დღეიდან ეს პოლიტიკური გუნდი იწყებს ახალ ბრძოლას, რომლის ამოცანაც იქნება ივანშვილის და მისი გუნდის მშვიდობიანი გზით შეცვლა“, - განაცხადა დავით ბაქრაძემ ენმ-ს მთავარი ოფოსოს წინ გამართულ საგანგებო ბრიფინგზე.