„ნაციონალური მოძრაობის მთავარ ოფისში“ პარტიის ის წევრები იკრიბებიან, რომლებიც ენმ-ს დატოვებას გეგმავენ. პარტიის ლიდერები მედიასთან წინასწარ კომენტარებს არ აკეთებენ.

დაფინაანსებასთან დაკავშირებით მცირე კომენტარი გააკეთა გიგი წერეთელმა. რომლის მამის მიერ დაფუძნებულ პარტიაში გაერთანდებიან ენმ-დან წასული ლიდერები. წერეთელმა პარტიის გაყოფის შემდეგ ფინსასების გადანაწილებაზე ისაუბრა.

„საუბარია საარჩევნო ბლოკზე, ძირითადი პარტია იყო ნაციონალური მოძრაობა და იყო ასევე ევროპული საქართველო, ამ ბლოკის შემადგენელი პარტიები ფინანსდებიან. თუ ხდება ამ პარტიების განცალკევება, შესაბამისად დაფინანსება ორივეს ექნება, მე არ ვიცი რა ფორმით გაიყოფა“, - განაცხადა გიგი წერეთელმა.

ცნობილია ახალი პარტიის სახელწოდებაც - "ევროპული საქართველო", რომელიც გიგი წერეთელის მამამ, ნუგზარ წერეთელმა დააფუძვნა და ის 2016 წლის საპარლამენტო არჩევნების დროს "ერთიან ნაციონალურ მოძრაობასთან" იყო ბლოკში.