მარგველაშვილის სიძის დაჭრა - პირველი კომენტარი პრეზიდენტის ადმინისტრაციიდან

პოლიტიკა - 11:01, 12 Jan, 2017

19720

პრეზიდენტის პრესსპიკერი ეკა მიშველაძე გიორგი მარგველაშვილის სიძის, მინდია გოგოჭურის დაჭრის ფაქტს გამოეხმაურა.
"ვერანაირ ვარაუდზე და ვერსიებზე ვერ ვისაუბრებთ. ამ ეტაპზე რაც შეგვიძლია განვაცხადოთ არის ის, რომ ძალიან ცუდია, როცა ახალგაზრდა ადამიანებზე ხდება თავდასხმა, თუმცა მიმდინარეობს გამოძიება, ველოდებით მის დასრულებას და იმედი გვაქვს, რომ ეს ყველაფერი იქნება ეფექტური”, - განაცხადა მიშველაძემ.

ბალანჩივაძის ქუჩაზე პრეზიდენტის სიძე მინდია გოგოჭური თანმხმლებ პირთან ერთად, ცეცხლსასროლი იარაღით გუშინ დაჭრეს.

ბოლო ინფორმაციით ორივე დაშავებულის ჯანმრთელობის მდგომარეობა სტაბილურია. როგორც "ნიუპოსტს" რესპუბლიკურ საავადმყოფოში განუცხადეს, პაციენტების სიცოცხლეს საფრთხე არ ემუქრება.

"ამ ეტაპზე მდგომარეობა სტაბილურია და მათ სიცოცხელს საფრთხე არ ემუქრებათ,"-აღნიშნავენ კლინიკაში.

მედიკოსები სხვა დეტალებზე არ საუბრობენ.

როგორც "ნიუპოსტს" შს სამინისტროს პრესსამსახურში განუცხადეს, მომხდარზე გამოძიება სსკ-ის 118-ე და 236-ე მუხლებით მიმდინარეობს, რაც ჯანმრთელობის განზრახ ნაკლებად მძიმე დაზიანებას და ცეცხლსასროლი იარაღის უკანონო შეძენა-შენახვა-ტარებას გულისხმობს.