ღამის კლუბებში არსებულ ვითარებასთან დაკავშრებით საქართველოს პრემიერ-მინისტრის განცხადებებს კანონმდებლები ეხმიანებიან. უმრავლესობაში აცხადებენ, რომ ამ საკითხს კანონი არეგულირებს და გიორგი კვირიკაშვილმა კომენტარი ამ საკითხისადმი მეტი ყურადღების დათმობისთვის გააკეთა.

ოპოზიცია პრემიერ-მინისტრის გუშინდელ განცხადებებს უპასუხისმგებლობად თვლის და მას პოპულისტურს უწოდებენ.

„პრემიერ-მინისტრის განცხადებები იყო სასაცილო და სამარცხვინო, როგორც ჩანს ვერ გააცნობიერა და ვერ გაარკვია პრემიერმა რა თემაზე უნდა ისაუბროს იმ ტრიბუნიდან, რომელსაც ჰქვია მთავრობის სხდომა, პირველი განცხადება იყო აბსურდული და მეორე განცხადება კიდევ უფრო აბსურდული, ძალიან სამწუხაროა, რომ უმაღლესი ხელისუფლების პირი გადაუმოწმებელ ინფორმაციაზე დაყრდნობით საუბრობს ასეთ თემაზე, აშკარად პოპულისტური მიზნების მისაღწევად“, - განაცხადა სერგი კაპანაძემ.