"ტრაგიკული არაფერი მომხდარა" - რომან კაკულია "გაზპრომის" პირობების დათანხმებაზე

პოლიტიკა - 18:47, 11 Jan, 2017

2029

პარლამენტის დარგობრივი ეკონომიკის კომიტეტის თავმჯდომარე რომან კაკულია საქართველოს მიერ "გაზპრომთან" კონტრაქტის ცვლილებაზე საუბრისას აცხადებს, რომ არ ესმის რატომ არის ეს მოვლენა ასეთი ტრაგიზმით აღსავსე. კაკულიას მტკიცებით, „დამოკიდებულების გაზრდა არ მომხდარა.
"ფინანსური თვალსაზრისით, ძალიან დიდ განსხვავებასთან არ გვაქვს საქმე და ამიტომ, დრამატიზირებულ ფორმაში წარმოჩენა ყველაფრის რაღაც ქართული ოპოზიციური აზროვნების ერთერთი დამახასიათებელი თემაა და აქაც მემგონი ამასთან გვაქვს საქმე,“ - განაცხადა რომან კაკულიამ.

კაკულიას თქმით, რადგან რუსეთი ძველი ხელშეკრულების პირობების გაგრძელებას არ აპირებდა, საქართველომ ყველაზე პოზიტიური იყო.

„რუსები ყოველთვის ამბობდნენ, რომ ისინი არ აპირებდნენ ამ პირობებით გაგრძელებას ამ ხელშეკრულების. ეს იმას ნიშნავს, რომ ჩვენი არჩევანი მაინცდამაინც დიდი არ იყო და ამიტომ ვამბობთ, რომ ეს იყო ჩვენთვის, ჩვენი შესაძლებლობის ფარგლებში, მაქსიმალურად პოზიტიურად წარმართული ხელშეკრულების დასრულება მოლაპარაკებაზე. როდესაც ის არ გეთანხმება, რომ მოგცემს ნატურალურად თვითონ გაზს და არის მოთხოვნა, რომ უნდა მოხდეს ფასის გადახადა და რჩება ერთადერთი ალტერნატივა, ეს ფასი იყო მისაღები. მემოგნი მივაღწიეთ იმას, რისი მიღწევაც შესაძლებელი იყო. თუ დავიწყებთ საუბარს კონკრეტიკაზე, აქ არავითარი ტრაგიკული არ მომხდარა დამერწმუნეთ," - აღნიშნა კაკულიამ.