"მცოცავი ეკონომიკური ანექსია, მთავრობამ კაპიტულაცია გამოაცხადა"- გოცირიძე კალაძის განცხადებაზე

პოლიტიკა - 15:08, 11 Jan, 2017

2355

საპარლამენტო უმცირესობის წევრი რომან გოცირიძე „გაზპრომის“ საკითზე საქართველოს მთავრობის გადაწყვეტილებას კაპიტულანტური ქმედებას უწოდებს.
"მთავრობის განცხადება იმის შესახებ, რომ ისინი აპირებენ "გაზპრომთან" ხელშეკრულების გაფორმებას აპირებენ ეს არის კაპიტულანტური ქმედება და სერიოზული დანაშაული. თამამად შეიძლება ვთქვა, რომ ჩვენ გვყავს არაკომპეტენტური და კორუმპირებული ხელისუფლება, ვინაიდან არავითარი საფუძველი არ არსებობდა ამ ფორმით ამ ხელშეკრულების გაფორმებისა. 15 წელია ქვეყნის ინტერესების სასარგებლო ხელშეკრულება მოქმედებს, რომელიც გაზპრომმა მძიმე სიტუაციებშიც კი ვერ მოახერხა რომ შეეცვალა. მთავრობის ეს გადაწყვეტილება ნიშნავს იმას, რომ საქართველოს ხელისუფლება რუსეთისგან ზეგავლენას განიცდის. ეს იმას ნიშნავს, რომ მათ ამავე დროს აქვთ პირადი ინტერესები. რუსეთის შემდგომი სამიზნე თბილისის გაზგამანაწილებელი სისტემა იქნება, რომელიც „ყაზტრანსგაზის“ საკუთრებაშია. ამის შემდეგ კი რკინიგზა. ესაა მცოცავი ეკონომიკური ანექსია“, - განაცხადა რომან გოცირიძემ.
საქართველო "გაზპრომის" წინადადებას დათანხმდა, ქვეყანა მაგისტრალური გაზსადენით გატარებული ბუნებრივი აირის ტრანზიტის საფასურს გატარებული ბუნებრივი აირის 10%-ის ნაცვლად ფულად ანაზღაურებას მიიღებს.
აღსანიშნავია, რომ "გაზპრომი" საქართველოს კონტრაქტის პირობების შეცვლას 2016 წელსაც სთავაზობდა. თუმცა მოლაპარაკებათა მსვლელობა გასული წლის მარტში, მას შემდეგ შეიცვალა, როდესაც აზერბაიჯანის სახელმწიფო ენერგოკომპანია სოკარის პრეზიდენტმა და კახა კალაძემ საქართველოსთვის აზერბაიჯანული გაზის მოწოდების გაზრდის შესახებ კონტრაქტს ხელი მოაწერეს.