თუ როდის გაიმართება საკონსტიტუციო კომისიის სხდომა ჯერჯერობით უცნობია, სხდომაზე კონკრეტული სამუშაო ჯგუფები უნდა ამოქმედდეს. აღნიშნულთან დაკავშირებით კომენტარები ოპოზიციის რიგებში კეთდება. ენმ-ში ამბობენ, რომ ხელისუფლება კონსტიტუციის იმ თავის ცვლილებას შეეცდება, რომელიც პრეზიდენტის პირდაპირი წესით არჩევას გულისხმობს.

უმრავლესობა განსახილველ საკითხებს წინასწარ არ აკონკრეტებს. ქართულ ოცნებაში აცხადებენ, რომ გაითვალისწინებენ კომისიის წევრთა წინადადებებს.

„განხილული იქნება ყველა წინადადება, ყველა ის შემოთავაზება, რასაც კომისიის წევრები წარმოადგენენ. კომისია მზად არის იმსჯელოს ყველაფერზე, გამზადებული ცვლილებები ჩვენ ხელისუფლების წევრებს ასე არ წარგვიდგენია ჯერჯერობით და იცით, რომ ეს ის თემებია, რომელზეც უნდა იყოს მაქსიმალური კონსენსუსი,“-განაცხადა მანანა კობახიძემ.

კომისიამ მუშაობა მომავალი კვირიდან უნდა დაიწყოს.