მოსმენებთან დაკავშირებით შექმნილ სამუშაო ჯგუფში ჩართვას ითხოვს ოპოზიცია. არასამთავრობო ორგანიზაციების პოზიციას „ერთიანი ნაციონალური მოძრაობა“ იზიარებს. საუბარია იმაზე, რომ მოსმენის ფუნქცია არა სახელმწიფო უსაფრთხოების სამსახურს, არამედ დამოუკიდებელ სააგენტოს გადაეცეს.

უმრავლესობაში კი აცხადებენ, რომ ფარული მიყურადება დამოუკიდებელი სააგენტოს მეშვეობით არცერთ ქვეყანაში არ ხორციელდება.

„ჩვენ ვართ განწყობილი, რომ მივიდეთ შეთანხმებამდე და კონსენსუსს მივაღწიოთ იმ პრინციპულ საკითხებზე, რომლითაც გვინდა, რომ შევქმნათ კარგი მოდელი ქვეყანაში, რომელიც წლების განმავლობაში მიუხედავად იმისა ვინ იქნება ხელისუფლებაში, იმუშავებს მოქალაქეთა უფლებების დაცვაზე,“-განაცხადა ეკა ბესელიამ.