მოსმენებთან დაკავშირებით შექმნილ სამუშაო ჯგუფში ჩართვას ითხოვს ოპოზიცია. არასამთავრობო ორგანიზაციების პოზიციას „ერთიანი ნაციონალური მოძრაობა“ იზიარებს. საუბარია იმაზე, რომ მოსმენის ფუნქცია არა სახელმწიფო უსაფრთხოების სამსახურს, არამედ დამოუკიდებელ სააგენტოს გადაეცეს.

„ნაციონალური მოძრაობის“ რიგებში მიიჩნევენ, რომ სუს-ის მხრიდან ფარული მიყურადების პოლიტიკური მიზნებისთვის გამოყენებას შესაძლოა ჰქონდეს ადგილი:

„რთულია ამას ჩართულობა უწოდო, როდესაც საპარლამენტო უმცირესობის წევრები არ არიან წარმოდგენილნი სამუშაო ჯგუფში, რომელიც ამ მნიშვნელოვან თემაზე მუშაობს. ეს ფაქტი კრიტიკას ვერ უძლებს და ძალიან არასწორი საქციელია როგორც მინიმუმ საპარლამენტო უმრავლესობის მხრიდან.

რა თქმა უნდა ჩვენ მხარს ვუჭერთ გასაღების გადასვლას დამოუკიდებელ ორგანოში, რომელსაც არ აქვს საგამოძიებო ფუნქცია,“-აცხადებს გიორგი ტუღუში.