მაია რჩეულიშვილის ჯანმრთელობის მდგომარეობის შესახებ მისი ადვოკატი საუბრობს. როგორც მარინე ცუცქირიძემ „კურიერის“ პირდაპირ ეთერში განაცხადა, „ცენტრ პოინტის“ დამფუძნებლის ჯანმრთელობის მდგომარეობა კვლავ მძიმეა. ადვოკატი პროკურატურას სისტემურ ფსიქოლოგიურ და მორალურ ზეწოლაში ადანაშაულებს:

„ყოველდღე სტუმრობდნენ მას კლინიკაში და აშინებდნენ იმით, რომ, თუ ის არ მოვიდოდა ასეთ მდგომარეობაში სასამართლოში, უარს არ იტყოდა საპროცესო მოქმედებებში მონაწილეობაზე, ასეთ შემთხვევაში პალატაში ჩაუტარებდნენ სასამართლო პროცესს. ეს იყო ერთი მიზეზი, თუ რატომ განაცხადა მაია რჩეულიშვილმა უარი თავის კონსტიტუციით და კანონით მინიჭებულ უფლებაზე, ჯანმრთელობის უფლებაზე და მკურნალობის უფლებაზე,“ - განაცხადა მარინე ცუცქირიძემ.