ფარულ მოსმენებთან დაკავშირებით „ერთიანი ნაციონალური მოძრაობის“ რიგებში კომენტარები კეთდება. თინათინ ბოკუჩავას მიაჩნია, რომ აღნიშნულ საკითხს ხელისუფლება პოლიტიკური მიზნებისთვის და ოპონენტებზე დევნისთვის იყენებს. ოპოზიციის აზრით, ე.წ. გასაღები სახელმწიფო უსაფრთხოების სამსახურიდან უნდა გამოვიდეს.

„საკონსტიტუციო სასამართლომ დაადასტურა, რომ ის მოდელი, რომელიც დღევანდელმა მთავრობამ დაამტკიცა, რომ ე.წ. გასაღები მოსმენებზე ექსკლუზიურად არის სუს-ში, რომელსაც ერთპიროვნულად აკონტროლებს ბიძინა ივანიშვილი, არის ანტიკონსტიტუციური. მიუხედავად საზოგადოებრივი ზეწოლისა, დღევანდელი ხელისუფლება არ გეგმავს, რომ შეცვალოს ეს კანონი იმიტომ, რომ ივანიშვილს არ უნდა სწორედ ამ ექსკლუზივის დათმობა უკანონო მოსმენებზე, რადგან ის უკანონო მოსმენებს პირდაპირ იყენებს, როგორც პოლიტიკური ბრძოლის იარაღს,“- განაცხადა თინათინ ბოკუჩავამ.