მოლაპარაკებები "გაზპრომთან" - ვაჭრობა რუსეთთან საქართველოს სახელმწიფოებრიობით

პოლიტიკა - 17:18, 10 Jan, 2017

2418

"გაზპრომ-ექსპორტთან" მიმდინარე მოლაპარაკებების გამო, „ერთიანი ნაციონალური მოძრაობის“ წევრი რომაც გოცირიძე ხელისუფლებას სტრატეგიული ინტერესების საზიანოდ მოქმედებაში ადანაშაულებს.
როგორც რომან გოცირიძე "ნიუპოსტთან" საუბრისას აცხადებს, „გაზპრომ-ექსპორტისა” და საქართველოს ენერგეტიკის მინისტრის შეხვედრაზე რომელიც მინსკში დღეს უნდა შედგეს მოლაპარაკებაში, მხოლოდ ეკონომიკა არ არის ჩართული.

„ის არგუმენტები, რასაც ხელისუფლება შარშან კაბალური ხელშეკრულების გაფორმების დასასაბუთებლად იყენებდა დღეს დღის წესრიგიდან მოხსნილია.

შარშან თუ ირწმუნებოდნენ, რომ პატარა მილია და არ ეყოფა გამტარუნარიანობა, - შაჰდენიზის კონსორციუმმა უზარმაზარი მილი დაგვითმო. აზერბაიჯანი გვაწვდის გაზს. არგუმენტი, რომ თითქოსდა საერთაშორისო წესი არ ითვალისწინებს ბარტერს ეს არის ტყუილი. რასაც საქართველოს მთავრობა აკეთებს, არის რუსეთის მხრიდან პოლიტიკური ზეწოლის დათმობა, რომლისგანაც უნდათ პოლიტიკური შედეგების მიღწევა თვიაანთ სასარგებლოდ ან აქ იკვეთება ვიღაცების კერძო ინტერესები.

აქ არ არის მარტო ეკონომიკა, აქ არის ჩარეული რაღაც სხვა ბერკეტები, რომელიც ადრე თუ გვიან გაირკვევა. ეს არის საქართველოს სახელმწიფოებრიობით ვაჭრობა. თუ მოქმედი ხელშეკრულება შეიცვალა ეს იქნება სახელწიფო ინტერესების ღალატი. მთავრობები მუდმივი არ არის, შეიცვლებიან და ეს ადამიანები აღმოჩნდებიან განსასჯელის სკამზე"- აცხადებს გოცირიძე.

შეგახსენებთ, რომ მოლაპარაკებების მესამე რაუნდი გაზპრომთან დღეს უნდა შედგეს. საქართველოს ენერგეტიკის მინისტრი კახა კალაძე „გაზპრომ-ექსპორტის” ხელმძღვანელობას შეხვდება. მხარეები რუსეთიდან სომხეთის მიმართულებით ბუნებრივი აირის ტრანზიტის საკითხზე იმსჯელებენ. ჯერჯერობით უცნობია რას ითვალისწინებს ხელშეკრულების ახალი პირობები