"ე.წ. ფარული მოსმენებზე უფლებამოსილებები სხვადასხვა სტრუქტურებში უნდა იყოს გაფანტული"- დოლიძე

პოლიტიკა - 16:14, 10 Jan, 2017

1502

პრეზიდენტის საპარლამენტო მდივანი ანა დოლიძე ე.წ. ფარული მოსმენების შესახებ საუბრობს და აცხადებს, რომ უფლებამოსილებები სხვადასხვა სტრუქტურებში უნდა იყოს გაფანტული.

„ჩვენ არ უნდა დაგვავიწყდეს, რა სისტემიდან მოვდივართ. ეს სისტემა ხასიათდება მარტივად იმით, რომ ჩვენს ქვეყანაში არსებობდა მრავალათასიანი არქივი, რომლის მეშვეობითაც ხდებოდა ადამიანების, პოლიტიკური მოღვაწეების მართვა, შანტაჟი, დევნა. ძალიან ბევრ კითხვას ამ სისტემის არსებობასთან დაკავშირებთ პასუხი არ გაეცა. ამ სამუშაო ჯგუფის მუშაობის პროცესში მნიშვნელოვანი იქნება, გავითვალისწინოთ ეს ისტორია, გავითვალისწინოთ ადამიანის უფლებები, რა თქმა უნდა, გავითვალისწინოთ ჩვენი ყველა მოქალაქის უსაფრთხოების ინტერესი. ამიტომ ეს მუშაობა არ იქნება ადვილი, მაგრამ იმედი გვაქვს, რომ ყველა ამ ფასეულობის შეჯერება მოხდება. ჩვენ გაკეთებული გვაქვს ჩვენი მოტივირებული შენიშვნები ამ სისტემასთან დაკავშირებით. ამის არსი მდგომარეობს იმაში, რომ ის, ვინც დაინტერესებულია ამ მოსმენებით, ის ვინც ახორციელებს მოსმენას ტექნიკურად და ის ვინც მეთვალყურეობას ახდენს მოსმენაზე, უნდა იყოს სხვადასხვა. ანუ ეს უფლებამოსილებები გაფანტული უნდა იყოს სხვადასხვა სტრუქტურებში“ - აღნიშნა დოლიძემ.