"გრძალვადიან პერსპექტივაში ლარი გამყარდება, თუმცა ამისთვის გასაკეთებელი ბევრია"

"გრძალვადიან პერსპექტივაში ლარი გამყარდება, თუმცა ამისთვის გასაკეთებელი ბევრია" - ეკონომიკის მინისტრი

პოლიტიკა - 16:25, 09 Jan, 2017

4644

ეკონომიკისა და მდგრადი განვითარების მინისტრის განცხადებით, ლარის კურსის არსებული რყევები მოკლევადიანია, გრძელვადიან პერსპექტივაში კი ეროვნული ვალუტა გამყარდება რასაც 4-პუნქტიანი გეგმის ამოქმედება და სწრაფი ეკონომიკური ზრდა განაპირობებს. თუმცა აღსანიშნავია, რომ როგორც მინისტრი ამბობს, მთავრობას მემკვიდრეობით საკმაოდ ცუდი სავაჭრო ბალანსი ერგო, რომლის ერთ ან 2 წელიწადში გამოსწორება შეუძლებელია.

„კიდევ ერთხელ ვიმორებ, რომ ეს რყევები მოკლევადიანია, გრძელვადიან ნაწილში ჩვენ არ გვაქვს სერიოზული მიზეზები იმის, რომ ლარის კურსი უფასურდებოდეს. ჩვენ დარმწუნებული ვართ, რომ გრძალვადიან პერსპექტივაში ლარის კურსი გამყარდება, თუმცა კიდევ ერთხელ მინდა აღვნიშნო, რომ ამისთვის გასაკეთებელია ბევრია. პირველ რიგში, ეს გახლავთ სწრაფი ეკონომიკური ზრდა, რომლის განსახორციელებლად შექმნილია 4-პუნქტიანი გეგმა“, - განაცხადა გახარიამ.

თუმცა როგორც გახარია განმარტავს, ახლა ქვეყანაში ძალიან ცუდი სავაჭრო ბალანსია, რომლის გამოსწორებაც 2 წელიწადში შეუძლებელია.

„ჩვენ გვაქვს ძალიან ცუდი სავაჭრო ბალანსი, რომელიც გვერგო მემკვიდრეობით და ამ სავაჭრო ბალანსის გასწორება ერთ დღეში, ერთ და ორ წელიწადში შეუძლებელია. კიდევ ერთხელ ვამბობ, რომ ჩვენი 4-პუნქტიანი გეგმის ძირითადი მიზანია, მივაღწიოთ სწრაფ ეკონომიკურ ზრდას, გავასწოროთ ჩვენი სავაჭრო ბალანსი და შვქმნათ ისეთი ბიზნესგარემო, რომელიც პირდაპირი უცხოური ინვესტიციების ნაწილში კიდევ უფრო პროგრესული იქნება“, - განაცხადა გახარიამ.