ე.წ. მოსმენების საქმეზე არასამთავრობოები პოზიციას არ ცვლიან

პოლიტიკა - 16:06, 09 Jan, 2017

1415

ე.წ. მოსმენების კანონში შესატანი ცვლილებების განხილვის შემდეგ, არასამთავრობოები პოზიციას არ ცვლიან. როგორც ისინი განმარტავენ, გასაღები სახელმწიფო უსაფრთხოების სამსახურიდან უნდა გამოვიდეს.

როგორც ახალგაზრდა იურისტთა ასოციაციის თავმჯდომარე ანა ნაცვლიშვილის აცხადებს, ამ საკითხს კომპლექსური მახასიათებლები აქვს.

„აქ სწორად არის ბალანსი დასაცავი, ერთის მხრივ, ძალოვან უწყებებს შორის, მაგრამ ადამიანის უფლებების დარღვევის ხარჯზე არ უნდა იყოს ძალოვანი უწყებების ინტერესები დაცული. მაგრამ, მთავრი და ამოსავალი წერტილი არის ის, რომ რეფორმის საჭიროება დადგა იმიტომ, რომ ძალოვანი უწყების ხელშია გასაღები. შესაბამისად, რეფორმა უმთავრესად გულისხმობს იმას, რომ ძალოვანი უწყების ხელში აღარ უნდა იყოს ეს გასაღები“ - აღნიშნა ნაცვლიშვილი.

არასამთავრობო ორგანიზაცია საერთაშორისო გამჭვირვალობა - საქართველოს აღმასრულებელი დირექტორის, ეკა გიგაურის აცხადებს, ოპტიმალური ვარიანტი მხოლოდ ის არის, რომ ეს სამსახური პარლამენტს უნდა დაექვემდებაროს.

„ჩვენ ვფიქროთ, რომ ყველაზე ოპტიმალური და სწორი ვარიანტი არის ის, თუკი დამოუკიდებელი სამსახური დაექვემდებარება საქართველოს პარლამენტს,“ - აცხადებს ეკა გიგაური.

„სამართლიანი არჩევნებიისა და დემოკრატიის საერთაშორისო საზოგადოების“ აღმასრულებელი დირექტორის მიხეილ ბენიძის თქმით კი უნდა შეიქმნას სრულიად დამოუკიდებელი ორგანო, რომელსაც საგამოძიებო ინტერესი არ ექნება.