„ერთიანი ნაციონალური მოძრაობის“ ოფისში სიტყვიერ დაპირისპირებას ჰქონდა ადგილი. ერთმანეთს ნიკა მელია, ელენე ხოშტარია, სერგო რატიანი და აკაკი ბობოხიძე დაუპირისპირდნენ. ენმ-ის ერთ-ერთი ლიდერის ელენე ხოშტარიას განცხადებით, ნიკა მელია ვერ იქნება იმ ფრაქციის თავმჯდომარე, რომელსაც ის შეურაცხყოფას აყენებს.

„ნიკა მელია ვერაფრით ვერ იქნება იმ გუნდის ლიდერი და ფრაქციის თავმჯდომარე, რომელსაც ასეთი მოვარდნებით და შეურაცხყოფებით ელაპარაკება. რა თქმა უნდა, ეს არის განხილვის საგანი. ჩვენ გავითვალისწინეთ გიგი უგულავას, ახლად გამოსული პოლიტპატიმრის თხოვნა, რომ კონსულტაციები დასრულდეს. ამოცანა არის ბიძინა ივანიშვილთან ბრძოლა და არა ფრაქციებში ერთმანეთთან მივარდნა და კუნთების ჩვენება,“ - განაცხადა ელენე ხოშტარიამ.