საქართველოს ვიზალიბერალიზაციის პროცესი უკანასკნელ ფაზაში შედის. საქართველოში ევროკავშირის ელჩი, იანუშ ჰერმანი კონკრეტულ ვადებზე არ საუბრობს, თუმცა იმედოვნებს, რომ პროცედურები უახლოეს მომავალში დასრულდება:

„თქვენ იცით, რაც მოხდა გასული წლის ბოლოს, თუმცა კიდევ არის ნაბიჯები გადასადგმელი, პროცესი მიმდინარეობს. 2017 წელი დაიწყო და დარწმუნებული ვარ, ევროინსტიტუციები ამ საკითხს ბოლომდე მიიყვანენ, ჩვენ ამ პროცესში ბოლო ფაზაში ვართ. თქვენ ამბობთ, რომ ელოდებით, ჩვენ კი გეუბნებით, რომ ვმუშაობთ,“ - განაცხადა იანოშ ჰერმანმა.