„არაა ჩვენი საშველი!!!
„ქალბატონების კომენტარებს ვკითხულობ, თუ რაოდენ კმაყოფილები არიან გვარამიას ცემით და სირცხვილით ლამის მიწა გამისკდეს“ - ამ პოსტით ეხმიანება გვარამია-გაჩეჩილაძის ინციდენტს საფრანგეთში მცხოვრები სულა სულაშვილი და ბავშვობის დროინდელ ამბავს იხსენებს.

სულა სულაშვილი: „მშობელ ძაღლი ვიყო, თუ რამეს ვამატებდე:

სოფელში ბიძაჩემს ლეკვი აჩუქეს. მთელი ზაფხული მასთან თამაშში გავატარე...
მეორე ზაფხულს “მუხრანა“ ეზოში რომ ვერ დავლანდე, გაკვირვებულმა ვკითხე:
- ბიძი, სად არის ძაღლი?
- ანზორს კაბალის ხევზე გავაშვებინე, უზნეო გამოდგა ძაანა...
- რათა კაცო?
- ზურგიდან მიპარვა ისწავლა იმ წყეულმა და მაგის გამო სოფელს, როგორ დავიმდურებდი?

ასეთი, შვილის კი არა, ძაღლის ყოლაც კი ესირცხვილებოდა პატიოსან კაცს...
ასე იყო და არის ეს, გრეჩიხ! ასე!!“