გაზის გაზრდილი გადასახადი - სად იტყუება ,,ყაზტრანსგაზი“ და კახა კალაძე

პოლიტიკა - 17:24, 06 Jan, 2017

30483

2016 წლის ბოლოს მიღებულმა ბუნებრივი აირის გადასახადის ქვითრებმა დედაქალაქის მოსახლეობაში პროტესტი გააჩინა. მოქალაქეების თქმით, ზოგ შემთხვევაში დანახარჯი 100 %-ით არის გაზრდილი. სოციალური ქსელის მომხმარებლები წინა წელთან შედარებას ახდენენ და აცხადებენ, რომ ფასის ამგვარი სხვაობა არაბუნებრივია, რაც მათში კითხვებს აჩენს. აბონენტების ნაწილი ბუნებრივი აირის დანახარჯის ცვლილებას უხარისხო ბუნებრივი აირით ხსნის, ნაწილი კი გაზმომარაგების კომპანიის მხრიდან მანიპულაციებს ეჭვობს.

აღნიშნულ ფაქტს ყაზტრანსგაზ-თბილისი გამოეხმაურა . კომპანია გაზის გაზრდილ გადასახადს ცივ ზამთარს მიაწერს და აცხადებს, რომ 2015 წლი დეკემბერთან შედარებით 2016 წელს ტემპერატურა 5-8 გრადუსით დაეცა, რამაც გაზის მეტი მოხმარება განაპირობა და შესაბამისად დანახარჯიც მეტი იყო.

ცივ ზამთარზე მიუთითბს ენერგეტიკის მინისტრი კახა კალაძეც და აცხადებს, რომ მეტი გადასახადი განსაკუთრებულად ცივ ზამთარს უკავშირდება.

"მაქვს იდეა ყაზტრანსგაზს ვუჩივლოთ. აუცილებელია ბევრნი ვიყოთ. ვერ ვხვდები კომპანია დებილებად რატომ გვთვლის! ამიტომაც აუცილებელია ვუპასუხოთ მათ ადეკვატურად და არამხოლოდ აქ ორთქლის გამოშვებით. შეიძლება ერთი საერთო სარჩელის მომზადებაც." - წერს ნანუკა ჟორჟოლიანი.

ყაზტრანსგაზისა და მთავრობი წარმომადგენელთა მხირდან სიცრუის გავრცელებაზე საუბრობენ ფეისბუქის სხვა მომხმარებლებიც და შედარებისთვის ერთ-ერთი მათგანი 2015 წლისა და 2016 წლის ამინდის პროგნოზი მოჰყავს სადაც მცირედი სხვაობაა ტემპერატურას შორის.

მონაცემები აშკარად არ ემთხვევა ყაზტრანსგაზის მიერ გაჟღერებულ ინფორმაციას, რომ ტემპერატურამ 5-8 გრადუსით დაიკლო, რეალუად კი ტემპერატურა მხოლო 2 გრადუსითაა დაკლებული და თუ 2015 წლის დეკემბრის თვის მაქსიმალურად დაბალ მაჩვენებლი -5 იყო, 2016 ეს მაჩვენები -7-ზე დავიდა.