"გამოვცადე რას ნიშნავს, იყო დაბალი ფენის წარმომადგენელი... ხმელი პური მაინც რომ შეჭამო"...

"გამოვცადე რას ნიშნავს, იყო დაბალი ფენის წარმომადგენელი... ხმელი პური მაინც რომ შეჭამო"... - ახალგაზრდა პოეტის ემოციური წერილი

სოც.მედია - 15:14, 06 Jan, 2017

20316

ახალგაზრდა პოეტი ნიკა ნორიელი სოციალურ ქსელში გულისამაჩუყებელ და დასაფიქრებელ ჩანაწერს აქვეყნებს.

"დღეს დავასრულე 5 თვიანი ეტაპი რომელსაც "მუშა მონობის შეთავსებით" ჰქონდა სახელწოდებად. არ იყო იოლი. თავიდანვე ეჭვით ვუყურებდი ჩემს თავს. არ მეგონა თუ შევძლებდი, მაგრამ იმ ბევრი პასუხისმგებლობიდან გამომდინარე, რომელიც ყოველ ჩვენთაგანს გვაქვს მაინც შევძელი.

ფიზიკური დატვირთვა არაფერია იმ მორალურ დატვირთვასთან შედარებით, რომელსაც ყოველდღიურად ვეჭიდებოდი...

მოკლედ ბევრი არაფერი მაქვს სათქმელი და მითუმეტეს ახალი ისეთი რაც უკვე არ მითქვამს უბრალოდ ამ 5 თვის განმავლობაში მე ძალიან, ძალიან, ძალიან ახლოს და კარგად გავიცანი და გამოვცადე საკუთარ თავზე რას ნიშნავს იყო სოციალურად დაბალი ფენის წარმომადგენელი.

სახელმწიფო და კერძო სექტორი ერთად ახორციელებენ შენზე როგორც ფიზიკურ ისე მორალურ ძალადობას. ძალიან რთულია ყოველდღიურად იმ ყველაფრის ატანა რაც გიწევს იმ მიზნით, რომ ხმელი პური მაინც შეჭამო დღის ბოლოს...

ადამიანებს სჭირდებათ მეტი ყურადღება.

ადამიანებზე ზრუნვაა საჭირო.

ადამიანებს პატივისცემა სჭირდებათ.

ადამიანებს ადამიანად უნდა აგრძნობინონ თავი.

სისტემა სრულად შესაცვლელია და ეს ისევ იმ ადამიანების გასაკეთებელია, რომლებიც გრძნობენ ამ ყველაფერს, ანუ ჩემი და ანუ შენი შესაცვლელია ის გარემო რომელშიც ვცხოვრობთ.

დღეს თანაბარწილად მეტი და თანაბარწილად ნაკლები ვარ ვიდრე 5 თვის წინ ვიყავი..."