სააპელაციო სასამართლო დღეს განაჩენს გამოაცხადებს გიგი უგულავასა და დავით კეზერაშვილის მიმართ. საუბარია ე.წ. „თბლსერვის ჯგუფის“ საქმეზე. დედაქალაქის ყოფილი მერი აღნიშნული საქმის ნაწილში დამნაშავედ არის ცნობილი. მას 4 წლითა და 6 თვით თავისუფლების აღკვეთა აქვს მისჯილი.

გიგი უგულავა დღეს პროცესს არ დაესწრება. საქმეზე გამამტყუნებელი ნაწილი უგულავას უფლებადამცველებმა გაასაჩივრეს.

„ბრალის წაყენებიდან ვთვლიდით, რომ მას არანაირი გაფლანგვა არ ჩაუდენია, შესაბამისად ვთვლით, რომ მისი ერთი დღის მანძილზეც კი პატიმრობაში ყოფნა იყო უკანონო და ეს დადასტურდა, არა ერთი ეტაპისას, დღეს თუ ობიექტური მსჯელობა გაიმართება, გიგი უგულავა უდანაშაულოდ უნდა იქნეს ცნობილი, თუმცა, რა თქმა უნდა ეს სასამართლოს დისკრეციაა“, - აცხადებს ბექა ბასილაია.