,,ბაბუ გადარჩება!.. ვარდოსანიძეების ოჯახი სამგორის გამგეობამ მოინახულა, მოხუცს ოპერაცია ჩაუტარდა“

სოც.მედია - 01:55, 06 Jan, 2017

9935

,,სოლიდარობის ფონდი“ ვარდოსანიძეების ოჯახის მოხუცის შესახებ ინფორმაციას ავრცელებს. მიხეილ ვარდოსანიძეს, რომელსაც ორივე ფეხზე განგრენა აღმოაჩნდა, უკიდურესად მძიმე მდგომარეობაში იყო. ვარდოსანიძეების ოჯახში ცხოვრობს უსინათლო ბებო და 9 წლის ცერებრალური დამბლით დაავადებული მარიამი. ოჯახს უკიდურესად უჭირს. მათ დასახმარებლად თანხა შეგროვდა და მოხუცს ოპერაცია დაუფინანსეს.

,,კარგი ამბავი! ქველმოქმედი ადამიანების შეწევნით, ბაბუს დასახმარებლად შეგროვდა სოლიდური თანხა, ხვალ ნაწილი გადაეცემა მის ოჯახს, შემდეგ ეტაპებზეც გაგრძელდება ფულადი დახმარებები, რომ ბაბუ გამოჯანმრთელდეს და ფეხზე დადგეს ვარდოსანიძეების წაქცეული ოჯახი...

ბაბუს ოპერაციის 90% საყოველთაო დაზღვევამ დააფინანსა, ვიმედოვნებთ, 10%-ს თბილისის მერია და გლდანის მუნიციპალიტეტი დააფინანსებს (ბაბუს რეგისტრაცია გლდნის რაიონში აქვს), ასევე, სამგორის რაიონის გამგეობაც შეიტანს თავის წვლილს.

,,სოლიდარობის სახლი" მადლობას გიხდითთ ყველას, ღმერთმა შეგიწიროთ.

ამ დილით, სამგორის გამგეობის სოციალური განყოფილების უფროსმა ნანა გიორგაშვილმა, და ქვემოსამგორის საუბნო განყოფილების უფროსმა ჯუმბერ მილორავამ ვარდოსანიძეების ოჯახი მოინახულა. ჩაინიშნა მათი ყველა პრობლემა. სამგორის გამგეობა, ყოველმხრივ დაეხმარება ვარდოსანიძეებს და მათ ახალ ბედნიერ ცხოვრებას დავაწყებინებთ!...

მადლობა, ქალბატონ ნანა გიორგაშვილსა და სამგორის რაიონის გამგებელს, გიორგი ბაგრატიონს ოპერატიული რეაგირებისათვის.

,,სოლიდარობის სახლი" მადლობას უხდის საქართველოს შრომის, ჯანმრთელობის და სოციალური დაცვის სამინისტროსა და ღუდუშაურის სახელობის კლინიკის მედპერსონალს, ურთულესი ოპერაცისს წარმატებით დასრულების გამო. მართლაც, შეუძლებელი შეძლეს და ბაბუს, მიხეილ ვარდოსანიძეს, გადაატანინეს ეს უმძიმესი ოპერაცია” - წერს სოლიდარობის ფონდი საკუთარი ფეისბუქის გვერდზე.