„ჯეჯელავამ კომბლესთან ომს თავი დაანებოს და ერთი-ორი წიგნი წაიკითხოს, რა ხდებოდა 2003 წლამდე“

„ჯეჯელავამ კომბლესთან ომს თავი დაანებოს და ერთი-ორი წიგნი წაიკითხოს, რა ხდებოდა 2003 წლამდე“ - დიმიტრი შაშკინი

პოლიტიკა - 18:54, 05 Jan, 2017

4680

საქართველოს განათლებისა და მეცნიერების მინისტრი სოფლებში არსებულ სკოლებზე საუბრობს და აცხადებს, რომ წინამორბედებმა ამ კუთხით ბევრი პრობლემები გააჩინეს. მისი თქმით, მცირე სკოლებს განსაკუთრებულ ყურადღებას მიაქცევს მისი უწყება.

აღნიშნულს „ნიუპოსტთან“ საუბრისას განათლების ყოფილი მინისტრი დიმიტრი შაშკინი გამოეხმაურა. როგორც შაშკინი მიიჩნევს, მსგავს სკოლებში პრობლემებს ის ფაქტი ქმნის, რომ უკანასკნელი 4 წლის განმავლობაში არაფერი გაკეთებულა:

„ძალიან რთულია კომენტარის გაკეთება ჯეჯელავას განცხადებებზე, რადგან ეს ადამიანი ან უცხოპლანეტელია ან საქართველოში არ ცხოვრობდა ან ამნეზია სჭირს. ბოლო ოთხი წელია ეს მთავრობა არის ხელისუფლებაში, არაფერი გაუკეთებიათ და ახლა გაახსენდა, რომ სოფლის სკოლებს პრობლემები აქვს. აქვს ამ სკოლებს სკოლები, რადგან ოთხი წელია არაფერი გაკეთებულა, არც გათბობის სისტემა განახლებულა, არც ახალი სკოლები აშენებულა, ამიტომ ჯეჯელავამ კომბლესთან ომს თავი უნდა დაანებოს. ან სკოლებში წავიდეს და ხალხს დაელაპარაკოს, ან ერთი-ორი წიგნი წაიკითხოს, რა იყო 2003 წლამდე, სკოლების აბსოლუტური უმრავლესობა გაყინული იყო და ბავშვები სკოლებშიც ვერ დადიოდნენ. მთავარი პრობლემა რაც არის არის ის, რომ პედაგოგების კვალიფიკაციის კუთხით ბოლო 4 წლის განმავლობაში არაფერი გაუკეთებიათ. მსოფლიომ უდიდესი ნახტომი გააკეთა ბოლო 4 წლის განმავლობაში ყველა მეცნიერების მიმართულებით, ჩვენ როგორც ავხტით, ისე დავრჩით ჰაერში. სჯობს ბატონმა ჯეჯელავამ არა კომბლეს, არამედ მიხედოს იმას, რაშიც ძალიან მაღალ ხელფასს იღებს“, - განაცხადა დიმიტრი შაშკინმა.