,,უფრო ლოგიკური მეჩვენება უსუფაშვილ-ხელისუფლების ფარული ალიანსი, ვიდრე უსუფაშვილ-მარგველაშვილის“

,,უფრო ლოგიკური მეჩვენება უსუფაშვილ-ხელისუფლების ფარული ალიანსი, ვიდრე უსუფაშვილ-მარგველაშვილის“ - ხუხაშვილი

პოლიტიკა - 00:55, 04 Jan, 2017

4355

უსუფაშვილის განცხადებას პრეზიდენტის ვადაზე ადრე გადადგომის შესაძლებლობასთან დაკავშირებით ექსპერტი გია ხუხაშვილი აფასებს, როგორც მან ,,პალიტრანიუსის“ გადაცემაში ,,360 გრადუსი“ განაცხადა, უფრო ლოგიკურია უსუფაშვილის ხელისუფლებასთან გარიგების თეორიაა, ვიდრე ვერსია უსუფაშვილ-მარგველაშვილის გარეგების შესახებ. ხუხაშვილი აცხადებს, რომ უსუფაშვილი პოლიტიკოსია, ის აპირებს აქტიურ პოლიტიკაში დარჩენას და მან შესძლოა რიგგარეშე არჩევნების შემდთხვევაში საკუთარი პრეზიდენტობის კანდიდატურაც დააყენოს - ,,ეს სცენარიც არსებობს“ - დასძენს ექსპერტი.

”შეთქმულების თეორია რომ განვავითაროთ, მარგველაშვილი და უსუფაშვილი ხომ არ არიან კოორდინირებული და ერთად მოქმედებენ. გინდათ საწინააღმდეგო ვერსია გითხრათ?! ხომ არ ფიქრობს ხელისუფლება, რომ პრეზიდენტის ვადის გასვლამდე, რადგან მასთან ურთიერთქმედების დისკომფორტი აქვთ, ამიტომ უნდათ მისი პროვოცირება რიგგარეშე არჩევნებზე და ამას აკეთებენ უსუფაშვილის ხელით. მე უფრო ლოგიკური მეჩვენება უსუფაშვილ-ხელისუფლების ფარული ალიანსი, ვიდრე უსუფაშვილ-მარგველაშვილის. ამას არ ვამბობ ძირითად სცენარად, მაგრამ თუ ერთ შეთქმულების თეორიაზე ვსაუბრობთ მარგველაშვილ-უსუფაშვილის ტანდემით, ეს ნაკლებად ლოგიკურია, ვიდრე უსუფაშვილ-ხელისუფლების ერთობლივი თამაში. აგიხსნით რატომ - ამ წესით კონფრონტაციის ფონზე მოხდეს პროვოცირება მარგველაშვილის მხრიდან ნებაყოფლობითი გადადგომის და უსუფაშვილის კანდიდატურის დაყენება და ხელისუფლების მხრიდან მხარდაჭერა, ანუ ერთი წლით შემოკლება ხელიუფლებისთვის არასასურველი პრეზიდენტის პრეზიდენტობის. ეს პოლიტ-ტექნოლოგიურად უფრო გასაგებია, ვიდრე პირველი ვარიანტი, რომ მარგველაშვილ-უსუფაშვილის ერთად მოქმედება, თუმცა, მე არც ერთი ამ სცენარის არ მჯერა”, - განაცხადა გია ხუხაშვილმა.