„მარტო პასპორტი კი არა დაბადების მოწმობაც უნდა მოითხოვონ

„მარტო პასპორტი კი არა დაბადების მოწმობაც უნდა მოითხოვონ - ეს კანონი ყველას ჯანმრთელობას ეხება"

სოც.მედია - 18:41, 03 Jan, 2017

5128

„სრულიად სერიოზულად ვამბობ, საქართველოში ნებისმიერი კლასის რესტორანში მეშინია ხორცის ჭამა. ყველზე არაფერს ვამბობ“ - წერს საფრანგეთში მცხოვრები ხელოვანი პაატა ქურდაძე და ყბადაღებულ პასპორტიან ღორების თემას შემდეგი პოსტით ეხმაურება.

პაატა ქურდაძე: „ღორების პასპორტებზე რომ ღადაობდა მთელი ფეისბუქი, საქართველოს გზებზე მტვერსა და გამონაბოლქვში გამოფენილი ღორის გალურჯებული თავები, ბარკლები, ნეკნები და თბილისის სადარბაზოებში პატარა მაგიდებზე აგებული სულგუნის პირამიდები მახსენდებოდა და ვფიქრობდი, მარტო პასპორტი კი არა დაბადების მოწმობაც უნდა მოითხოვონ მეთქი - როგორც ევროპაში- გასაყიდ ხორცის ნაჭერს ყოველთვის აწერია დაკლული საქონლის წარმომავლობა (ცხადია ადგილობრივი წარმომავლობა ხარისხის და ჰიგიენის მეტი გარანტიაა მომხმარებლისათვის)
სრულიად სერიოზულად ვამბობ, საქართველოში ნებისმიერი კლასის რესტორანში მეშინია ხორცის ჭამა. ყველზე არაფერს ვამბობ, მე მინახავს რა ჰიგიენის პირობებშიც მზადდება ის ყველი ქუჩაში და ბაზარში უმაცივროდ რომ ყიდიან... ამიტომ რძის პროდუქტებს და ყველს თბილისში ძირითადად შედარებით ნორმალურ სუპერმარკეტში ვყიდულობ - უფრო გარანტირებული მგონია ან თავს ვიტყუებ... ყოველ შემთხვევაში ის მაინც ვიცი ვის მოვთხოვო პასუხი რამე რომ იყოს.
ახალი წლიდან საფრანგეთში კონსერვებზე, გაყინულ, მზა და ნახევრად მზა საკვებზე - ანუ ყველაფერზე რაც სუპერმარკეტებში, ხორცის მაღაზიებში თუ ბაზრებში იყიდება აგრეთვე რძეზე და რძის პროდუქტზე აუცილებელი გახდა ეტიკეტზე ეწეროს პროდუქტში გამოყენებული ხორცის და რძის წარმომავლობა. მაგალითად სოსისს, ლანზანში, ან იოგურტში. ასევე რესტორნები ვალდებულები არიან მიანიშნონ ხორცის წარმომავლობა - წინააღმდეგ შემთხვევაში უზარმაზარი ჯარიმაა - რამდენიმე ათასი ევრო... რად უნდა ლაპარაკი, რომ ტაილანდიდან ჩამოტანილ ხორცსა და ფრანგულს შორის უპირატესობა ფრანგულის მხარესაა.
ახლა ვუყურე რეპორტაჟს ამ ახალ კანონზე. თქვენ წარმოიდგინეთ ყველა კმაყოფილია, მომხმარებელიც და მწარმოებელიც... ნუ შეიძლება გაყინული ხორცის იმპორტიორები იყვნენ უკმაყოფილო. არ ვიცი... ყოველ შემთხვევაში არავინ ღადაობს ძროხების და ღორების ცისფერ სისხლზე და წარმოშობაზე, რადგან ზუსტად იციან, რომ ეს კანონი ყველას ჯანმრთელობას შეეხება.“